Kinausap umano ni “The Master Cutter” star Max Collins si Kapuso Primetime Queen Marian Rivera tungkol sa naging love scene nila sa serye ng mister nitong si Kapuso Primetime King Dingdong Dantes.
Sa latest episode kasi ng “Fast Talk with Boy Abunda” noong Martes, Abril 7, inurirat si Max kung mayroon bang matutunghayang lampungan sa “The Master Cutter.”
“I mean, that’s to be expected, I think, in an action show. So, I guess it’s something you just have to wait and see,” saad ni Max.
Sundot naman ni Boy, “Sa mga pagkakataong ganito, bumubusina ka, halimbawa, kay Marian?”
“I actually talked to her a lot,” sagot ng aktres. “She’s very supportive. And kasi [naging magkatrabaho] kami before sa ‘My Guardian Alien.’ So we became friends, and then now with this new show, I already talked to her even before we started.”
Barbie kay Shawie: 'She was the reason why I wanted to become an actress!'
Dagdag pa niya, “I love her, I respect her. I spoke to her about this. We’ve talked about the show, and she’s very supportive. And then every time I post something, I always message her and make paalam out of respect. We have a very good relationship.”
Matatandaang noong Enero ay minalisya ng ilang netizens ang simpleng promotional video nina Max at Dingdong para sa “The Master Cutter.”
Maki-Balita: ‘Baka ikulong ka sa CR!’ Video nina Dingdong Dantes, Max Collins minalisya
Unang mapapanood ang nasabing teleserye sa online streaming platform na Netflix pagpatak ng Abril 17. Makalipas ang tatlong araw, ipapalabas ito sa GMA Network.
Nakasentro ang kuwento nito kay Anthony—played by Dingdong—na dating scout ranger at kalauna’y naging mananahi habang palihim na namumuhay bilang isang elite hunter.
