Pinalagan ni Sen. Risa Hontiveros ang mga kumakalat na "Artificial Intelligence (AI)-generated news" na humihingi siya ng pag-endorso mula sa Filipina tennis player na si Alex Eala.
Sa Facebook post niya nitong Miyerkules, Abril 1, ibinahagi ni Hontiveros ang screenshot ng posts ng mga personalidad na sina Jay Sonza at Malou Tiquia na nag-share ng nabanggit na AI-generated news.
Inilagay niya sa nabanggit na screenshots ang salitang "KASINUNGALINGAN."
"STOP THE LIES! Hindi ako humingi ng anumang pag-endorso ni ALEX EALA. Meta, please do something about these AI-generated posts," caption ng senadora.
Samantala, kung sisilipin naman ang Facebook posts nina Sonza at Tiquia, makikitang ibinahagi nila ang tungkol dito.
PNP, susunod sa kautusan ng DOJ na ipatupad arrest warrant ng ICC vs Sen. Bato
Mababasa sa post ni Sonza nitong Miyerkules, Abril 1, published as is, "I AM NOT A TOOL:"
"Alеx Еаlа Stuns Rіsа Ноntіvеrоs with Bold Neutrality!"
"In a move that has sent shockwaves through the political and sporting worlds, Alеx Еаlа has officially drawn a line in the sand. When asked by Senator Rіsа Ноntіvеrоs to endorse and use her image for LGBT advocacy at upcoming international tournaments, the tennis star reportedly gave an unapologetic refusal."
"Alex’s stance was 'steady and piercing': 'I am an athlete, not a tool for your political agenda.' She stressed that her professional role on the court must remain separate from political issues, regardless of the cause. Before a reaction could be formed, she delivered a 15-second statement that ended the matter with surgical precision."
"A champion’s focus is her greatest weapon. Alex Eala just proved she is the master of her own brand."
"RESPECT THE GAME. RESPECT THE BOUNDARY," saad pa rito.
Photo courtesy: Screenshot from Jay Sonza/FB
Kung bibisitahin naman ang verified Facebook account ni Tiquia, hindi makikita ang nabanggit na post.
Pero makikita namang niretweet niya ang isang post tungkol dito noong Marso 31, sa kaniyang verified X account.
"This," tanging caption niya.
Photo courtesy: Screenshot from Malou Tiquia/X
