Tila matapang at makapangyarihang mensahe ang inilahad ng singer-songwriter at The X Factor Philippines Season 1 grand winner na si KZ Tandingan matapos niyang makatanggap ng isang prestihiyosong award.
Noon kasing Martes, Marso 24, 2026, iginawad kay KZ ang “Rule Breaking Award” mula sa Billboard Philippines “Women in Music” kung saan iprinisenta ito ng kaniyang asawang kapuwa niya singer-songwriter na si TJ Monterde.
Ayon naman sa naging mensahe ni KZ, sinabi niyang hindi rin daw niya inakalang matatanggap niya ang naturang gantimpala sa kabila ng maraming ipinag-utos sa kaniya noon bilang isang babaeng singer.
“Who would have thought I’d one day be recognized for being the artist I was once told to hide. I was told how to look, how to sound, be soft, but not too soft, powerful, but not too loud,” pagsisimula niya.
Ani KZ, natutunan daw niya sa loob ng matagal na panahong pananatili sa music industry na hindi dapat malimitahan ng mga permiso ang pagsusulong ng sining.
Hollywood Pop Star Katy Perry, napansin ang 'Thinking of You' cover ni Jayda Avanzado
“But if there’s one thing I learned after 14 years in this industry, it’s that art was never meant to exist within permission,” aniya.
Ani pa ni KZ, pinili raw niyang baliin ang mga patakaran upang makausad bilang singer at bilang babaeng hindi nalilimitahan sa mga gusto nilang gawin.
“So I choose to break the rules not just for the sake of rebellion. I choose to break them for survival. Because for so many of us, especially as women, the ‘rules’ were never made with us in mind,” ‘ika niya.
Dagdag pa niya, “So when we break them, when we take up space, when we raise our voices, when we tell the stories we were told to silence, we are not just making music, we’re reclaiming it.”
Pagpapatuloy niya, nababago raw ng kababaihan ang mundo sa panahong mapagdesisyunan nilang hindi nila kailangan ng mga permiso para marinig ng iba pa.
“The world doesn’t change by following what already exists. It changes the moment A WOMAN decides she no longer needs permission to be heard,” saad niya.
“So let’s get excited every time we’re told to follow the rules because it means we’re standing at the edge of change, ready to break them and build something better,” pagtatapos pa niya.
KAUGNAY NA BALITA: KZ Tandingan, ‘di pa ready maging mommy
KAUGNAY NA BALITA: TJ Monterde, umaasa lang dati kay KZ Tandingan
