415 gasoline stations sa bansa, pansamantalang tigil-operasyon-Balita

415 gasoline stations sa bansa, pansamantalang tigil-operasyon

By Vincent Gutierrez

March 25, 2026

Iniulat ng Philippine National Police (PNP) na aabot sa 415 na gasolinahan sa iba’t ibang panig ng Pilipinas ang nakatigil-operasyon sa kasalukuyan dahil sa “supply constraints” pagdating sa mga produktong petrolyo.

“As of 7:00 AM today, monitoring shows that out of 14,269 gas stations nationwide, 415 are temporarily not operational due to supply constraints,” saad ng PNP sa kanilang ulat nitong Miyerkules, Marso 25.

Anila, “The regions with the highest number of closures are Cordillera Administrative Region with 78 stations, Cagayan Valley with 50, Central Luzon with 42, Calabarzon with 35, and Bicol Region with 30, while most other areas continue to maintain normal operations.”

Gayumpaman, iginiit nilang sila ay nananatiling nakahanda sa pagmo-monitor matapos ideklara ni Pangulong Ferdinand “Bongbong” Marcos Jr. ang “State of National Energy Emergency” sa bansa noong Martes ng gabi, Marso 24.

“Mahigpit nating binabantayan ang sitwasyon. Hindi natin papayagan na samantalahin ito ng ilan para manloko o mang-abuso. Our police forces are on the ground to ensure that order is maintained and that our people are protected,” saad ni PNP chief General Jose Melencio Nartatez Jr.

“As the effects of the global crisis reach us, we expect attempts at hoarding, overpricing, and even scams. We warn those planning to take advantage—the PNP will not hesitate to enforce the law. I-report agad ang anumang iregularidad, at iwasan ang pagpapakalat ng hindi beripikadong impormasyon,” dagdag pa niya.

KAUGNAY NA BALITA: PNP, suportado deklarasyon ni PBBM ng national energy emergency-Balita

Nilinaw din ng ahensya na katuwang nila ang Department of Energy (DOE) at local Municipal Price Coordinating Council sa pagmo-monitor ng suplay at presyo ng krudo at langis sa bansa.

Matatandaang isa ang PNP sa mga ahensya ng pamahalaan na patuloy na nagbabantay sa isyu ng presyo at suplay ng krudo sa bansa, katuwang ang DOE at Department of Interior and Local Government (DILG).

Layunin ng pagtutulungang ito na maantabayanan at mapigilan ang mga posibleng insidente ng hoarding, overpricing, at profiteering sa produktong petrolyo.

MAKI-BALITA: DOE, DILG, PNP sanib-puwesa vs hoarding, profiteering ng produktong petrolyo-Balita

Sen. Kiko, di uurungan bantang ethics complaint ni Sen. Robin: 'Di uubra pasiga-siga sa akin!'

Mariing sinagot ni Sen. Kiko Pangilinan ang bantang pagsasampa ng ethics complaint laban sa kaniya ni Sen. Robin Padilla matapos ang mainit na palitan nila sa plenaryo ng Senado nitong Martes, Mayo 12. Sa isang pahayag, sinabi ni Pangilinan na sa matagal na niyang panunungkulan sa Senado at sa dami ng matitinding debate at sigawan sa plenaryo, ngayon lamang umano siya nakarinig ng ganitong uri ng...

Kamanggagawa party-list Rep. Eli San Fernando, bakit nag-yes sa impeachment ni VP Sara?

Ipinaliwanag ni Kamanggagawa party-list Rep. Eli San Fernando kung bakit kasama siya sa mga pumabor na maiakyat sa Senado ang impeachment ni Vice President Sara Duterte, na isinagawa sa House of Representatives noong Lunes, Mayo 11. Marami ang nagulat na nag-yes si San Fernando sa impeachment ni VP Sara, dahil sa akala ng marami, na nasa panig siya ng mga Duterte. Kabilang si San Fernando sa 257...

Sinigawan daw! Sen. Robin, tumangging makipagkamay kay Sen. Kiko

Hindi tinanggap ni Sen. Robin Padilla ang pakikipagkamay sa kaniya ni Sen. Kiko Pangilinan matapos magkainitan ang dalawa sa Senate plenary session nitong Martes, Mayo 12, matapos pagtalunan ang tungkol sa warrant of arrest laban kay Sen. Ronald 'Bato' Dela Rosa. Inilahad ni Padilla ang aniya’y magandang pagresponde ng Commission on Human Rights (CHR) sa inabot ni Sen. Bato matapos...