Nagbabala ang International Energy Agency (IEA) hinggil sa lumalala umanong energy at fuel crisis sa buong mundo.

Sa pahayag ni IEA Chief Faith Barilo sa media nitong Lunes, Marso 23, 2026, tinawag niyang "very severe" ang nangyayaring kakulangan ng suplay ng produktong petrolyo sa pandaigdigang merkado kasunod ng tensyon sa Strait of Hormuz.

Kaugnay nito, ikinumpara din niya ang nangyaring oil crisis noong 1970s sa nararanasan nitong 2026 magmula nang sumiklab ang gulo sa pagitan ng Iran kontra US at Israel.

"Many of us remember the two consecutive oil crisis in the 1970s… at that time, in each of the crisis, the world has lost almost five million barrels per day, both of them together, 10 millions barrels per day," ani Birol.

Saad pa niya, "As of today, we lost 11 million barrels per day, so more than two major oil shocks put together."

Sey ng NBI: 'Fugitive Senator Dela Rosa will be arrested whether he likes it or not'

Pinag-aaralan na rin daw ng naturang ahensya ang pagkonsulta sa ilang gobyerno mula sa Asya at Europa para sa pagpapalabas ng mga naimbak na langis.

"If it is necessary, of course, we will do it. We look at the conditions, we will analyze, assess the markets and discuss with our member countries,” aniya pa.

Binigyang-diin din ni Birol na ang tanging solusyong nakikita lang daw ng ahensya ay ang muling pagbubukas ng Strait of Hormuz.

"The single most important solution to this problem is opening the Hormuz Strait," giit ni Birol.

MAKI-BALITA: ALAMIN: Bakit mahalaga ang ‘Strait of Hormuz’ sa bentahan ng langis ng mga bansa?