Bumwelta ang manager ni 2020 Tokyo Olympic Gold Medalist Hidilyn Diaz na si Noel Ferrer sa petroleum company matapos nitong maglahad ng panig kaugnay sa patutsadang ‘drawing lang’ umano ang lifetime fuel incentive sa kaniyang alaga.
Sa isang Facebook post nitong Biyernes, Marso 13, sinabi ni Noel na wala umanong kondisyong nailatag sa kanila na nagsasaad ng limitasyon sa gantimpalang ibinigay ng kompanya kay Hidilyn.
“It was only around two years later that conditions relating to brand alignment were raised. This came as a surprise to us, as such conditions were not part of the original understanding when the reward was publicly announced and initially provided,” saad ni Noel.
Dagdag pa niya, “There was also no agreement or condition communicated that would prevent Hidilyn from entering into partnerships with other petroleum companies.”
Kaya naman, hindi umano maunawaan ni Noel kung paanong ang ganitong pangyayari ay iniuugnay ngayon kay Hidilyn.
Franki Russell, Enrique Gil naantala ang pagkakamabutihan
Aniya, “It seems unfair for conditions to be introduced after the fact when the original gesture was presented to the public as purely gratuitous.”
Gayunman, nagpapasalamat pa rin umano si Hidilyn sa suportang natanggap nito mula sa kompanya sa mga nakalipas na taon.
Maki-Balita: Petroleum company sa likod ng ‘lifetime fuel incentive’ ni Hidilyn Diaz, nagsalita na!
