Abogado ng Club Filipino, pumalag sa umano’y subpoena ng NBI-Balita

Abogado ng Club Filipino, pumalag sa umano’y subpoena ng NBI

By Vincent Gutierrez

March 13, 2026

In BALITA

Nagbigay ng paglilinaw ang abogado ng Club Filipino na si Atty. Argel Joseph Cabatbat kaugnay sa umano’y natanggap niyang subpoena mula sa National Bureau of Investigation (NBI) hinggil sa isyu ng mga nagpakilalang 18 ex-marines.

Matatandaang isinagawa ng mga naglantad na umano’y 18 ex-marines, sa pangunguna ni Atty. Levito Baligod, ang isang press conference sa sa Club Filipino, Greenhills noong Pebrero 24, kung saan isiniwalat nila ang isyu ng umano’y “maleta scheme” ni dating Ako Bicol Party-list Rep. Zaldy Co.

KAUGNAY NA BALITA: 1 sa 18 ex-marines, nanindigang walang kinalaman sa kanila si Defensor-Balita

Sa isang Facebook post na ibinahagi ni Cabatbat kamakailan, nilinaw niya na hindi siya abogado ng umano’y 18 ex-marines—ngunit kinumpirma niyang siya ang abogado ng Club Filipino, na pinagganapan ng nasabing press conference.

“Hindi po ako ang abogado ng 18 Marines. Ako po ang abogado ng Club Filipino kung saan nag-press conference ang 18 Marines,” saad ni Cabatbat.

Aniya, “Sa Club Filipino din naganap ang inauguration ni Cory Aquino bilang Presidente. Sa Club Filipino din nag-stay si Yamashita noong panahon ng hapon. Sa Club Filipino din nag stay si Gen. Douglas McArthur pagbalik ng mga Amerikano.”

“Hindi ko alam kung ano talaga ang mangyayari sa bansa natin, basta Club Filipino is a historical place with historical value,” dagdag pa niya.

Photo courtesy: Argel Joseph Cabatbat/FB

Samantala, base sa huling ulat patungkol sa 18 ex-marines, labing-anim sa kanila ay umakto na sa ipinadalang subpoena ng National Bureau of Investigation (NBI) para sa isang questioning.

Kasama rin dito ang pag-aalam at imbestigasyon ng NBI hinggil sa tunay na pagkakakilanlan ng mga nasabing ex-marines.

Maliban sa kanila, ipinatawag din sina Atty. Baligod, dating Congressman Mike Defensor, at ang asawa nitong si Julie Defensor—na umano’y nagbigay ng sasakyang ginamit ng ex-marines upang tumungo sa nabanggit na press conference sa Club Filipino.

KAUGNAY NA BALITA: Misis ni Mike Defensor, nadawit sa subpoena ng NBI-Balita

KAUGNAY NA BALITA: Mike Defensor, pinabulaanang may direktang kaugnayan sa 18 ex-marines-Balita

Kauna-unahang abogadong Mangyan, pumanaw na!

Pumanaw na si Renato Zosimo Zosing B. Evangelista na kinikilalang kauna-unahang Mangyan lawyer at tagapagtanggol ng karapatan ng mga katutubo, sa edad na 52 taong gulang. Ayon sa kaniyang anak na si Angelique, namatay si Evangelista noong Martes, Abril 14, 2026, matapos maospital sa National Kidney and Transplant Institute. Siya ay na-confine dahil sa stroke, ngunit tinukoy na ang agarang sanhi ng...

‘Di para manakot!' Taguig police, dumipensa sa presenya ng 'sniper' sa gitna ng demolisyon

Kinumpirma ng Taguig Police na kinailangan nilang mag-deploy ng sniper at SWAT at sa isinagawang demolisyon ng mga bahay sa Barangay Palingon, Taguig City. Isinagawa ang demolisyon sa lugar ng Panday Creekside noong Abril 13, 2026 kung saan nasugatan ang ilang pulis at anim na miyembro ng demolition team. Mayroon ding mga naaresto na umano’y sangkot sa insidente ng pagbato. Nilinaw ng Taguig...

Pagtatayo ng 'foreign military facilities,’ 'di welcome sa Davao City

Tutol ang pamahalaang lokal ng Davao City sa anumang planong magtayo ng foreign military facilities sa loob ng kanilang nasasakupan. Sa isang opisyal na pahayag na may petsang Abril 14, 2026, iginiit ng lokal na pamahalaan ang kanilang paninindigan laban sa naturang plano. “The City Government of Davao does not welcome and will oppose any plan to build foreign military facilities within the...