Niloko tapos magtitiwala ulit?
Batay sa resulta ng isinagawang survey ng Social Weather Stations (SWS), apat sa sampung Pinoy ang naniniwalang maibabalik pa ang tiwala matapos ang pagtataksil o panloloko sa isang relasyon.
Sa isinapublikong resulta ng survey kamakailan, lumabas na 43% sa mga Pinoy ang naniniwalang maibabalik pa ang tiwala, habang 36% naman ang hindi sumang-ayon.
Bukod dito, 27% sa mga respondent naman ang nakaranas o naka-witness ng iba't ibang uri ng cheating sa isang relasyon, at 72% naman ang hindi pa nakaranas.
Kabilang sa mga nakaranas ng panloloko, 11% ang nakaranas ng physical cheating, tulad ng pagsasagawa ng sexual or intimate activities sa ibang tao habang nasa loob ng relasyon, habang 11% ang nakaranas ng emotional cheating, tulad ng pagsasabi ng mga personal na problema sa isang tao maliban sa karelasyon o pagbuo ng romantic feelings sa ibang tao na walang physical relationship.
PNP, susunod sa kautusan ng DOJ na ipatupad arrest warrant ng ICC vs Sen. Bato
Ang iba pang uri ng panloloko o pagtataksil ay ang cybercheating (6%), kung saan sikretong nakikipag-usap sa ibang tao na hindi alam ng partner, at object cheating (6%), ito naman ang pagbibigay ng sobrang atensyon sa mga games, mobile phones, at iba pang materyal na bagay.
Nabanggit din ang tungkol sa financial cheating (5%), ito naman ang pagtatago ng mga luho o utang mula sa partner, at micro-cheating (4%), ang ibig sabihin ay pagtawag ng “baby,” “honey,” or “love” sa ibang tao.
Ang mga naiulat na nakaranas ng alawa o higit pang mga uri ng panloloko ay nasa ilalim ng combied cheating na may 8%.
