Nagbabala ang St. Luke’s Medical Center kaugnay sa umano’y paglipana ng “medical test results” ni Pangulong Ferdinand “Bongbong” Marcos Jr.
Sa isang pahayag na inilabas ng ospital sa publiko noong Miyerkules, Enero 28, iginiit nila na ang mga ito ay peke at hindi makatotohanan.
“St. Luke’s Medical Center is aware of medical test results falsely circulating online and on social media claiming to pertain to President Ferdinand Romualdez Marcos, Jr. These documents are FAKE and FALSIFIED,” saad nila.
Giit pa nila, “St. Luke’s Medical Center strictly upholds patient confidentiality and data privacy. Medical results are released only to the patient himself/herself through authorized and official hospital channels.”
Nilinaw din ng ospital na ang mga dokumentong ibinahagi sa labas ng awtorisadong mga channel ay maituturing na “unauthorized,” “fraudulent,” at “falsified.”
“Any medical results or documents obtained, posted, shared, or circulated outside these authorized channels are considered unauthorized, fraudulent, or falsified. The posting or sharing of a patient’s medical information by anyone other than the patient constitutes a breach of data privacy and is a violation of hospital policy and applicable laws,” anang ospital.
Bunsod nito, mariin nilang hinihikayat ang publiko na maging mas maingat at alerto kaugnay sa mga ganitong uri ng isyu.
“The public is strongly urged to exercise caution and responsibility in sharing unverified and unofficial information, particularly alleged medical results, as doing so may contribute to the spread of false information and may expose individuals to legal consequences,” pagtatapos nila.
Photo courtesy: St. Luke's Medical Center/FB
Kaugnay nito, sinagot naman ni Palace Press Officer at Presidential Communications Office (PCO) Undersecretary Atty. Claire Castro noong Miyerkules, Enero 28, ang isang tanong patungkol sa isa umanong doktor na mula sa isang tanyag na ospital, na nagbigay ng komento ukol sa lagay ng kalusugan ng Pangulo.
“Kung doktor po ‘yon ng St. Lukes, siya po ba ang doktor ng Pangulo? Hindi po tayo maaaring magbigay ng anumang opinyon kung hindi naman manggagaling mismo sa doktor ng Pangulo—at hindi manggagaling sa Pangulo,” sagot ni Castro.
MAKI-BALITA: 'Katawan niya naman po 'yon!' Castro, sinabing 'mas reliable' si PBBM kaugnay sa nararamdaman niya-Balita
Sa huling ulat naman ni PBBM noon ding Miyerkules, Enero 28, nilinaw niya na patuloy ang kaniyang pagtatrabaho, sa kabila ng diagnosis na “diverticulitis.”
“Sumobra naman pagka-excited n'yo, andito pa 'ko, I'm running the government. We're doing everything that needs to be done,” pahayag ni PBBM.
MAKI-BALITA: PBBM, bumwelta sa bashers: 'Sumobra pagka-excited n'yo, andito pa 'ko!'-Balita
Vincent Gutierrez/BALITA
