ALAMIN: Totoo bang nakakatalas ng pag-iisip ang puzzles?-Balita

ALAMIN: Totoo bang nakakatalas ng pag-iisip ang puzzles?

Madalas na haka-haka ng marami na ang paglalaro ng puzzle games ay nakakatalino o pampatalas ng memorya.

Kaya kung oobserbahan, makikita sa cellphone ng ilan ang samu’t saring brain teaser apps tulad ng crossword, scrabble, o kaya’y sudoku.

Sa kabila ng nakahihikayat na paniniwalang ito, nakakatalas nga ba talaga ng pag-iisip ang paglalaro ng puzzles?

Bagama’t isang komplikadong parte ng katawan ang utak, sinasabi sa maraming pag-aaral na ang paglalaro ng puzzles ay nakatutulong para mapatalas ang critical, problem-solving, at pattern-recognition skills, partikular sa older adults dahil nakaka-stimulate ito ng pag-iisip.

Kaya sinasabi rin ng ilang eksperto na nakatutulong ang puzzles para ma-delay ang onset ng dementia ng hanggang dalawa at kalahating taon.

Bukod sa mga ito, narito ang ilan pang benepisyo na nakikita ng mga eksperto sa paglalaro at pagbuo ng puzzles:

1. Visual at Spatial Reasoning

Ayon sa partikular na pagsasaliksik sa PITSCO Education, dahil kadalasang kinakailangan ng matinding focus sa puzzles, nasasanay nito ang kakayahan ng utak imanipula at solusyonan ang isang pattern nang walang hirap habang tumatagal. Maihahalintulad ito sa pagbabasa ng mapa at pagkabisado ng dance steps.

2. Relaxation

Ayon sa Case Western Reserve University, ang pagkumpleto sa patterns at problem-solving ay nakatutulong para maging grounded ang isang indibidwal.

Bukod pa rito, hindi katulad ng mga karaniwang pang-araw-araw na aktibidad, ang puzzles ay idinisenyo para gugulan ng oras, kaya hindi ito overstimulating.

3. Creativity

Ayon din sa nasabing pag-aaral, dahil sa patterns na kailangan i-solve, layon ng puzzle games na maging malikhain ang isang indibidwal para mabuo at makumpleto ito, kaya nahahasa rito ang creative thinking skills.

Base sa pag-aaral ng Reader’s Digest, para masulit ang mga benepisyong ito mula sa pagbuo at paggawa ng puzzles, mahalagang tandaan na i-enjoy ito at patuloy na i-challenge pa ang sarili sa pag-solve ng iba’t ibang klase nito.

Isa pa ay tinuturo rito na iwasang umasa sa puzzles para sa brain health, bagkus ay sumubok ng isang “holistic approach” tulad ng pagsasama ng isang masustansyang diet, regular na ehersisyo, at pakikihalubilo sa iba.

Sean Antonio/BALITA

11 bangkay, narekober sa ‘search and rescue’ sa lumubog na MV Trisha Kerstin 3

Umabot sa 11 bangkay ang narekober sa nagpapatuloy na “search and rescue” operation ng lumubog na MV Trisha Kerstin 3, ngayong Huwebes, Enero 29. Base sa ulat ng Philippine Coast Guard (PCG), kasalukuyan nang sumasailalim sa retrieval procedure ang mga narekober na labi, sa pangunguna ng Provincial Disaster Risk Reduction and Management Office (PDRRMO) Basilan, upang malaman ang...

Paldo sa toma? Volunteer firefighters na nanguha ng alak sa nasunog na supermarket, lagot sa BFP!

Hindi umano palalagpasin ng Bureau of Fire Protection (BFP) ang mga kumakalat na akusasyong may ilang volunteer firefighter na umano’y nagnakaw ng mga panindang alak mula sa natupok na supermarket sa Brgy. Pasong Putik, North Fairview, Quezon City noong madaling-araw ng Miyerkules, Enero 28.Nagsimula ang pagkatupok ng establisyimiento bandang 4:44 ng madaling-araw, at agad na umabot sa ikalimang...

Binatang nakipagtitigan umano ng masama, pinagsasaksak ng 18 beses!

Isang 19-anyos na binata ang nasawi matapos pagsasaksakin nang maraming beses sa Barangay Poblacion, Matalam, Cotabato.Ayon sa mga ulat, nangyari ang krimen bunsod umano ng engkwentro ng biktima sa dalawang lalaking lasing.Kinilala ng pulisya ang biktima na si alyas “John Paul”—isang private employee at residente ng Purok 4, Barangay Manubuan sa nasabing bayan. Ayon sa awtoridad, nagtamo...