'Tiba-tiba sa TUPAD ng China!' Sen. Kiko, binuweltahan umano'y mga nagkalat na trolls-Balita

'Tiba-tiba sa TUPAD ng China!' Sen. Kiko, binuweltahan umano'y mga nagkalat na trolls

Pinasaringan ng senador na Sen. Francis “Kiko” Pangilinan ang umano’y mga Pilipinong “bayaran” sa social media matapos ang naging pagkondena niya at kapuwa niya mga senador sa mga opisyal ng Chinese Embassy matapos ang ginanap nilang plenary session sa Senado.

MAKI-BALITA: 'Layas!' Sen. Erwin Tulfo, nanggigil sa mga opisyal ng Chinese Embassy

Ayon sa naging pahayag ni Pangilinan sa kaniyang “X” account noong Martes, Enero 27, nagawa niyang pasaringan ang umano’y mga Pilipinong nagpapabayad at tila pumapanig sa China.

“Biglang nagkalat ngayon ang mga Pilipinong bayaran ng China sa socmed matapos ang talumpati natin sa Senado kontra sa pambabastos ng China Embassy,” pagsisimula niya.

Photo courtesy: Sen. Kiko Pangilinan (FB)

Screenshot mula sa post ni Pangilinan.

Ani Pangilinan, tiba-tiba raw ang mga trolls sa pagtanggap ng umano’y Tulong Panghanapbuhay sa Ating Disadvantaged (TUPAD) na bersyon ng China.

“Tiba tiba. Tumatanggap ng TUPAD sa China troll farms. Alam na dis!” diin niya.

Tila hindi rin napigilan ng senador na sabihang “traydor” ang mga trolls na umano’y tumatanggap ng TUPAD ng China.

“China TUPAD para sa trolls. Traydor at Umuupak sa Pilipinas Ayuda Downpayment,” pagtatapos pa niya.

Kaugnay nito, matatandaang nagawang kuwestiyonin ni Sen. Risa Hontiveros ang opisyal na Facebook page ng Chinese embassy dahil tila mas nagmumukha na raw itong isang “troll farm” mula sa kaniyang privilege speech sa plenary session nila noon ding Lunes, Enero 26.

MAKI-BALITA: 'They kept replying!' Chinese Embassy, parang isang troll farm—Sen. Risa

Ani Hontiveros, tila raw may quota ang pambabastos ng Chinese embassy, hindi lang sa kaniya kundi pati na rin kina Sen. Kiko Pangilinan at Philippine Coast Guard (PCG) Spokesperson Jay Tarriela.

Dahil dito, nanawagan si Hontiveros sa kaniyang mga kapuwa mambabatas na imbestigahan ang nasabing Facebook page ng Chinese embassy.

MAKI-BALITA: 'Layas!' Sen. Erwin Tulfo, nanggigil sa mga opisyal ng Chinese Embassy

Mc Vincent Mirabuna/Balita

SILG Remula kay Rep. Leviste: 'Niloko niya ‘Pinas, harapin niya muna problema niya!'

Sinagot ni Department of the Interior and Local Government (DILG) Sec. Jonvic Remulla ang umano’y naging pahayag ni Batangas 1st District Rep. Leandro Leviste na nasa ilalim ng “de facto martial law” ang Pilipinas. KAUGNAY NA BALITA: 'Pinas, nasa de facto Martial Law kahit walang opisyal na deklarasyon!'—Rep. LevisteAyon sa naging panayam ng ABS-CBN News Channel (ANC) kay...

Babae, sugatan matapos mahagip ng ambulansya

Isang babae ang nagtamo ng mga sugat matapos mabundol ng isang ambulansya sa Batasan-San Mateo Road, Quezon City noong Lunes ng umaga, Enero 26.Ayon sa mga ulat, nag-counterflow ang ambulansya bunsod ng mabigat na trapiko, na may ihahatid din palang pasyente sa isang pagamutan.Base pa sa mga report, nagpagulong-gulong ang babae dahil sa lakas ng impact ng pagkakabunggo rito ng ambulansya.Matapos...

Rep. Pulong, binira ang Senado sa pagbibigay-dangal sa mga 'bayani ng EJK'

Naglabas ng pahayag si Davao City First District Rep. Paolo “Pulong” Duterte kaugnay sa pagbibigay-dangal ng Senado sa umano’y “extrajudicial killing heroes.”Sa latest Facebook post ni Rep. Pulong nitong Martes, Enero 28, sinabi niyang “selective mourning” at “convenient amnesia” ang naasasaksihang pagpupugay sa mga pasilyo ng Senado.“What we are witnessing inside the halls of...