Kinasuhang sekyu dahil sa paghagis ng tuta sa footbridge, hinatulang guilty!-Balita

Kinasuhang sekyu dahil sa paghagis ng tuta sa footbridge, hinatulang guilty!

"Guilty beyond reasonable doubt" ang hatol ng hukuman sa isang security guard ng isang mall sa Quezon City kaugnay sa umano'y marahas na pagpatay sa isang tuta noong Hulyo 2023, ayon sa Animal Kingdom Foundation (AKF).

Batay sa post ng AKF sa kanilang opisyal na Facebook page, batay sa desisyon ng korte, napatunayang itinapon ng akusadong guwardiya ang tuta na pinangalanang Browny mula sa isang footbridge, na naging sanhi ng agarang pagkamatay ng hayop.

Kaugnay na Balita: Security guard na naghagis ng aso mula sa footbridge, sinisante

Ang insidente ay umani ng matinding galit at pagkondena mula sa publiko at mga animal welfare advocates.

Isinulong ng AKF ang kasong kriminal laban sa akusado, na humantong sa paglabas ng hatol ngayong linggo. Bilang parusa, sinentensiyahan ang nasabing security guard ng pagkakakulong ng isang (1) taon at anim (6) na buwan at isang (1) araw bilang minimum, hanggang dalawang (2) taon bilang maximum.

Bukod dito, pinagmulta rin ang akusado ng ₱100,000. Ayon sa desisyon ng korte, kung hindi niya kayang bayaran ang multa dahil sa kawalan ng kakayahang pinansyal, ipapataw sa kaniya ang subsidiary imprisonment bilang kapalit ng pagbabayad ng multa.

Pinanagot din siya sa aspetong sibil at inutusang magbayad ng ₱20,000 bilang moral damages sa fur parent ni Browny. Ang nasabing halaga ay magkakaroon ng 6% legal interest kada taon, na magsisimula sa petsa ng pagiging pinal ng desisyon hanggang sa ganap itong mabayaran.

Sa pahayag ng AKF, sinabi nilang ang hatol ay nagbibigay-katarungan sa buhay na nawala at nagsisilbing malinaw na babala na ang kalupitan sa mga hayop ay may kaakibat na pananagutan sa ilalim ng batas.

Tinukoy rin ng grupo ang kanilang paninindigan bilang mga tagapagtanggol ng karapatan ng mga hayop, na anila’y “boses ng mga walang tinig.”

"May this ruling honor the life that was lost and serve as a warning that ANIMALS ARE NOT DISPOSABLE, and CRUELTY HAS CONSEQUENCES," anila.

"We will continue to speak, fight, and demand justice for those who cannot. WE ARE THE VOICE OF THE VOICELESS," pahayag pa.

Photo courtesy: Screenshot from Animal Kingdom Foundation (FB)

Kaugnay na Balita: PAWS, kakasuhan security guard na naghagis ng aso mula sa footbridge

Kaugnay na Balita: Sekyu na naghagis ng aso mula sa footbridge, posibleng mawalan ng lisensya – PNP-SOSIA

12-anyos na lalaki, patay sa kagat ng pating!

Pumanaw sa ospital ang isang 12-anyos na batang lalaki matapos siyang makagat ng pating sa ayon sa pahayag ng kanyang pamilya nitong Sabado, Enero 24, 2026.Nangyari ang insidente sa Australia, kasunod ng sunod-sunod na pag-atake ng pating sa silangang baybayin ng bansa.Kinilala ang biktima na si Nico Antic, na inatake noong Linggo habang kasama ang kaniyang mga kaibigan na tumatalon mula sa mga...

Sen. Estrada sa ₱800 wage hike ng mga kasambahay: 'A great help'

Ayon kay Senador Jinggoy Estrada na makatutulong ang ₱800 umento sa sahod ng mga kasambahay sa Metro Manila, sa gitna ng patuloy na pagtaas ng presyo ng 'basic commodities.'Sa isang pahayag noong Biyernes, Enero 23, ikinatuwa ni Estrada ang pag-apruba ng naturang halaga ng umento sa sahod. Maki-Balita: 'Fruits of hardwork!' Sen. Estrada, ikinatuwa ₱800 umento sa sahod ng...

Valenzuela City Councilor, sinita sa umano’y maluhong pamumuhay

Usap-usapan ang magagarang damit at bag na ibinibida ni Valenzuela City Councilor Kisha Coleen Ancheta sa publiko, sa pamamagitan ng social media posts niya.Sa isang Reddit post noong Biyernes, Enero 23, kinuwesityon ng isang netizen ang asta ni Ancheta. Kalakip kasi ng post ang screenshot ng umano’y mensahe ng konsehala.“Inggit ka lang eh HAHAHAHA, trabaho ka kasi, iyak ka na lang, gusto ko...