'Magpakatigas ka na parang bato!' FPRRD, may Bday wish kay Sen. Bato-Balita

'Magpakatigas ka na parang bato!' FPRRD, may Bday wish kay Sen. Bato

By Kate Garcia

January 23, 2026

In BALITA

Ibinahagi ni Vice President Sara Duterte ang birthday wish umano ng kaniyang amang si dating Pangulong Rodrigo Duterte para kay Sen. Bato dela Rosa.

Sa isang panayam na ibinahagi ng Facebook account na Wander with Janey noong Enero 22, 2026 at ni-reshare naman ni Atty. Harry Roque nitong Biyernes, Enero 23, binanggit ni VP Sara na ang hiling ni dating Pangulong Duterte para kay Sen. Bato ay magpatigas pa raw.

“Sinabi ko sa kaniya, birthday ni Sen. Bato dela Rosa. Sabi n'ya, 'Happy birthday Senator Bato! Magpakatigas ka na parang bato,” ani VP Sara.

Kaugnay nito, binaggit na rin ng Bise Presidente ang kaniyang hiling para sa kaalyado nilang senador.

“And of course ako naman, lagi pare-pareho 'yon sa lahat ng tao. Ang aking wish, una, good health. Napakahalaga non. Pangalawa, happiness, mahalaga din sa isang tao 'yong kaligahayan. And siyempre yung pangatlo, success in the year of the horse.”

Matatandaang noong Enero 21 nang ipagdiwang ni Dela Rosa an ika-64 niyang kaarawan, kung saan isang mensahe ang kaniyang ipinaabot sa kaniyang mga tagasuporta.

“Here I am, alive and well, gratefully celebrating 64 years of this God-given life,” anang senador.

Sa ngayon, naghihintay umano siyang mangibabaw ang hustisya.

Aniya, “I am waiting. Waiting for a true seeking for justice to emerge and take over. Not this threat of fake and foreign meddling, from those who do not and can never know us or be us.”

“If indeed there are cases against me, then I wait for a time and a certainty that I shall be able to face these cases as a Filipino, before Filipinos,” dugtong pa ni Sen. Bato.

KAUGNAY NA BALITA: Sen. Bato, 'alive and well' sa kaniyang 64th birthday

Maki-Balita: Inspirasyon! Sen. Robin, karangalang katrabaho si 'Birthday Boy' Sen. Bato

Matatandaang may naghihintay na arrest warrant kay Sen. Bato mula sa International Criminal Court (ICC) dahil sa pagkakasangkot niya sa giyera kontra droga sa ilalim ni dating Pangulong Rodrigo Duterte.

Sa katunayan, nakabantay na umano ang Department of the Interior and Local Government (DILG) sa galaw ng senador ayon sa kalihim nitong si Jonvic Remulla.

Higit 5k security personnel, idineploy para matiyak kaligtasan sa ASEAN Summit

Nakahanda na ang higit 5,000 security personnel mula sa iba’t ibang ahensya ng pamahalaan para matiyak ang kapayapaan at seguridad ng publiko sa Association of Southeast Asian Nations (ASEAN) Summit.Ayon sa Coast Guard District Central Visayas, ang mga nai-deploy na uniformed at civilian personnel ay binubuo ng Philippine Coast Guard (PCG), Philippine National Police (PNP), Armed Forces of the...

Medical quarantine ni Bong Revilla at iba pa, patapos na sa Jan. 27-28

Inaasahang magtatapos sa Martes, Enero 27, o posibleng sa Miyerkules, Enero 28, ang medical quarantine ni dating senador Ramon “Bong” Revilla Jr. at ng kaniyang mga kasamang akusado sa kasong may kaugnayan sa anomalous flood control projects sa Bulacan, ayon sa Bureau of Jail Management and Penology (BJMP) nitong Linggo, Enero 25, 2026.Sa panayam sa Super Radyo dzBB, sinabi ni BJMP...

Shariff Aguak Mayor Ampatuan, tinambangan; 3 suspek, patay!

Nauwi sa karahasan ang umaga ng Linggo, Enero 25, 2026, matapos pagbabarilin ng mga armadong lalaki ang convoy ni Shariff Aguak Mayor Akmad Mitra Ampatuan, sa Maguindanao Del Sur.Batay sa mga ulat, tinukoy ng Police Regional Office–Bangsamoro Autonomous Region (PRO-BAR) na nagsagawa ng hot pursuit operation ang mga awtoridad na humantong sa isang engkuwentro sa bayan ng Datu Unsay.Sa nasabing...