Baste, Rigo Duterte nanumpa bilang bagong Mayor, Vice Mayor ng Davao City!-Balita

Baste, Rigo Duterte nanumpa bilang bagong Mayor, Vice Mayor ng Davao City!

Nanumpa na bilang bagong alkalde ng Davao City si Sebastian “Baste” Duterte kasama ang pamangking si Rodrigo “Rigo” Duterte II bilang bagong vice mayor ng nasabing siyudad.

Ayon ito sa ibinahaging mga larawan ng City Government of Davao sa kanilang Facebook page nitong Biyernes, Enero 23, 2026.

“Acting Mayor Sebastian Z. Duterte and Acting Vice Mayor Rodrigo S. Duterte II officially took their oaths, by law of succession, as Mayor and Vice Mayor of Davao City, respectively, on Friday, January 23, 2026, at Davao City Hall,” mababasa sa simula ng caption ng kanilang post.

Screenshot mula sa Facebook post ng City Government of Davao.

Anila, pinangunahan nina Regional Trial Court (RTC) XI Deputy Executive Judge Honorable Marie Estrellita S. Tolentino-Rojas ang panunumpa nina Baste at Rigo.

“RTC XI Deputy Executive Judge Honorable Marie Estrellita S. Tolentino-Rojas administered the oaths of office to both officials,” saad nila.

Pagpapatuloy pa nila, dumalo rin sa nasabing panunumpa ng mga opisyal sina Congressman Isidro Ungab, Department of the Interior and Local Government (DILG) Davao City Director Mika Chan, at Atty. Martin Delgra.

“Also present during the ceremony were Congressman Isidro Ungab, DILG Davao City Director Mika Chan, and Atty. Martin Delgra,” pagtatapos pa nila.

Matapos ito ng pananatili pa rin ni dating Pangulong Rodrigo Duterte sa detention center sa The Hague, Netherlands dahil sa kinakaharap niyang kaso kaugnay sa umano’y human rights violation sa war on drugs mula 2011 hanggang 2019.

Matatandaang nanawagan ang International Criminal Court (ICC) sa umano’y mga biktima ng War on Drugs na magbigay ng testimonya sa kanila.

MAKI-BALITA: ICC, nananawagan sa mga biktima pa ng war on drugs na lumapit sa kanila

Ipinaliwanag sa publiko ng ICC na nag-iimbestiga sila sa umano’y krimeng kaugnay sa War on Drugs na naganap sa Pilipinas mula Nobyembre 2011 hanggang Marso 2019.

“The Office of the Prosecutor of the International Criminal Court is investigating allegations of crimes against humanity perpetrated in the Philippines, including killings, torture and sexual violence, as part of the so-called War on Drugs campaign between November 2011 and March 2019,” mababasa sa caption ng kanilang post noong Enero 16, 2026.

MAKI-BALITA: PNP, 'di pipigilan mga pulis gustong tumestigo kaugnay sa war on drugs sa ICC

MAKI-BALITA: Pilipinas, nasungkit 'pinakamalalang traffic’ sa Asya; Davao City 'most congested city' naman sa bansa

Mc Vincent Mirabuna/Balita

PH embassy, nilinaw na walang nakasamang Pinoy sa landslide sa Indonesia

Walang naitalang Pilipino na kabilang sa mga biktima ng landslide na tumama sa West Java, Indonesia, ayon sa Philippine Embassy sa Indonesia.“As of this time, no Filipino has been reported to be affected by the incident,” ayon sa pahayag ng embahada na ibinahagi sa Facebook.Sinabi ng embahada na mahigpit itong nakikipag-ugnayan sa Indonesian National Search and Rescue Agency gayundin sa...

‘Huwag magpakaplastik!’ PCO Usec. Castro, sinita si Sen. Imee Marcos

Bumwelta si Palace Press Officer at Presidential Communication Office (PCO) Usec. Claire Castro sa pahayag ni Sen. Imee Marcos hinggil sa kalusugan ni Pangulong Ferdinand “Bongbong” Marcos, Jr.Sa inilabas na pahayag ng Palasyo nitong Linggo, Enero 25, pinaalalahanan ni Castro ang senadora na huwag gawing biro ang kalusugan ng kapatid nito.“Huwag natin gawing biro ang kalusugan ng Pangulo....

Coast Guard, nag-abisong mag-ingat sa mga impormasyon tungkol sa MBCA Amejara

Ipinakiusap ng Coast Guard District Southeastern Mindanao (CGDSEM) sa publiko ang pag-iwas sa pag-reshare ng anumang unverified at misleading na impormasyon sa social media hinggil search and rescue (SAR) operations ng MBCA Amejara.Ayon sa abiso ng CGDSEM nitong Linggo, Enero 25, pinabubulaanan nila ang mga umiikot na espekulasyon at unofficial reports sa social media hinggil sa kanilang...