'Mga Pilipino, 'di kilala tunay na pagkatao ni VP Sara Duterte!'

'Mga Pilipino, 'di kilala tunay na pagkatao ni VP Sara Duterte!'—Trillanes

Iginiit sa publiko ni dating Sen. Antonio "Sonny" Trillanes IV na tila hindi raw kilala ng maraming Pilipino ang tunay na pagkatao ni Vice President Sara Duterte kaya umano ito nananatiling popular sa madla.

Ayon kay Trillanes, matapos nilang magsampa ng reklamong plunder at graft laban kay VP Sara nitong Miyerkules, Enero 21, sinabi niyang hindi nakikilala ng taumbayan ang umano’y pagkatao ni VP Sara dahil na ring palagi raw binabaha ng fake news at mga trolls ang social media patungkol dito.

KAUGNAY NA BALITA: Trillanes, civil society group kinasuhan ng plunder, graft si VP Sara

“Ang primary reason kung bakit popular pa rin siya ay dahil hindi kilalang lubusan ng mga Pilipino ‘yong tunay na pagkatao ni Sara Duterte,” pagsisimula niya.

Dagdag pa niya, “Dahil talagang binabaha nila ng fake news at mga trolls nila ‘yong social media na naging pangunahing source ng impormasyon ng mga kababayan natin.”

Ani Trillanes, isang paraan daw ang ginawa nilang pagsasampa ng mga nasabing kaso laban kay VP Sara para mamulat ang mga Pilipino.

“Isang paraan ito na para ma-exposed ‘yong iba’t ibang insidente ng pangungurakot at iba pang anomalya na ginawa ni Sara. Hopefully, mamulat sila,” aniya.

Pagpapatuloy ni Trillanes, ipagpapatuloy raw nila ang pagmumulat sa maraming Pilipino laban sa Bise Presidente.

“Idagdag ko lang na kahit relatively more popular siya but compared noong unang walang ganitong lumabas na mga anomalya ay ‘di hamak na bumaba na rin ang kaniyang mga numero,” saad niya.

Pagdidiin pa niya, “Ibig sabihin noon, talagang maraming namumulat at ipagpapatuloy namin pagmumulat sa mga kababayan natin.”

Ayon pa kay Trillanes, solido at hindi raw biro ang mga ebidensyang ibinigay nila kaugnay sa pagsasampa ng kaso laban kay VP Sara hindi umano kagaya ng mga meme lang sa social media na binabato laban sa kanila.

“Hindi ito biro na alegasyon lang. [Kapag] nag-file ka ng complaint, ibig sabihin noon, solid ‘yong mga ebidensyang ibinibigay mo. hindi lang gagawa ka ng isang meme sa social media [at] mag-aakusa kagaya noong ginagawa nila sa amin. Ito, kaso talaga at sana, ‘yon na nga, marami nang mamulat muli,” pagtatapos pa niya.

MAKI-BALITA: Trillanes, civil society group kinasuhan ng plunder, graft si VP Sara

MAKI-BALITA: Duterte vs everybody? Gen. Torre, SILG Remulla, atbp., tatakbo bilang Pangulo sa 2028—Trillanes

Mc Vincent Mirabuna/Balita

Ogie Diaz, pinalagan sinabi ni Greco Belgica na hayaan mga 'tunay na lalaki' sa gobyerno

Nagbigay ng reaksiyon si showbiz insider Ogie Diaz sa naging pasaring sa kaniya ni dating Presidential Anti-Corruption Commission (PACC) Chairman Greco Belgica, na hayaan na lamang sa mga lalaki ang gobyerno dahil gawain ng 'tunay na lalaki' ito.Nag-ugat ito nang Ibinahagi ni Diaz kamakailan ang isang pubmat patungkol sa naging umano'y banat ni Belgica laban kay dating senador...

Public school teacher, arestado sa drug buy-bust operation!

Isang guro sa pampublikong paaralan at ang live-in partner ang nasa kustodiya na ng mga awtoridad matapos maaresto sa isang drug buy-bust operation sa Barangay Poblacion, Compostela, Davao de Oro.Ayon sa mga awtoridad, isinagawa ang operasyon bandang 2:00 ng hapon nitong Linggo, Enero 25, 2026, sa pangunguna ng Philippine Drug Enforcement Agency (PDEA)–Davao de Oro.Kinilala ang guro sa alyas na...

Bulkang Mayon, 18 araw nang aktibo sa pag-aalboroto; lava flow, umabot na ng hanggang 3km

Nagpatuloy ang effusive eruption ng Bulkang Mayon sa ika-18 magkakasunod na araw nitong Enero 25, 2026, kung saan patuloy ang pag-agos ng lava na umabot sa tinatayang 1.3 hanggang 3.2 kilometro mula sa summit crater.Batay sa pinakahuling monitoring data ng Mayon Volcano Observatory, nakapagtala ng nagbabagang lava flows, pyroclastic density currents o “uson,” at sunod-sunod na pagguho ng bato...