Revilla nagpiyansa sa graft case, kulong pa rin dahil sa malversation case-Balita

Revilla nagpiyansa sa graft case, kulong pa rin dahil sa malversation case

Naglagak ng ₱90,000 piyansa si dating Senador Ramon “Bong” Revilla Jr. nitong Martes, Enero 20, kaugnay ng kasong graft na isinampa laban sa kaniya, na may kinalaman pa rin sa ₱92.8 milyong “ghost” flood control project sa Pandi, Bulacan.

Batay sa mga ulat, tinanggap ng Sandiganbayan 4th Division ang piyansa niya patungkol sa graft case, na maituturing namang bailable, alinsunod sa batas.

Gayunman, hindi pa rin pinahihintulutang makauwi si Revilla matapos maglabas ng kautusan ang Sandiganbayan Special 3rd Division na ilagay siya sa pansamantalang kustodiya sa New Quezon City Male Dormitory Jail sa Payatas.

Batay naman ito sa kasong malversation na kinakaharap ng dating senador, na may kaugnayan pa rin sa parehong proyektong ipinagkaloob sa isang kontratista noong Marso 2025.

Matatandaang naglabas ng arrest warrant ang korte laban kay Revilla noong Lunes, Enero 19, subalit minabuti niyang kusang sumuko sa mga awtoridad.

Kaugnay na Balita: Revilla, sumuko na: 'Nakakalungkot po parang wala yatang due process'

Batay naman sa batas, kumpara sa graft, hindi maaaring piyansahan ang kasong malversation, dahilan upang manatili si Revilla sa kulungan.

Upang makalaya pansamantala, kinakailangan pang magsumite ang kampo ng dating senador ng hiwalay na petisyon para sa piyansa sa Sandiganbayan 3rd Division para sa kasong ito; kaya naman, mananatili siyang nakakulong hanga't hindi naglalabas ng paborableng desisyon ang korte kaugnay ng naturang petisyon.

Samantala, nanawagan naman sa publiko at media ang anak ng dating senador, na si Cavite 1st District Rep. Jolo Revilla, na hayaan daw ang justice system na humatol sa kaso at hindi dahil sa "trial by publicity."

"I therefore ask the public and the media to allow the justice system to work—without pressure, noise, or premature conclusions," aniya.

Sa huli, nagpasalamat ang pamilya Revilla sa patuloy na panalangin at malasakit ng mga taong nananatiling naniniwala sa isang patas at makatarungang paglilitis. Ayon pa sa kongresista, buo ang kanilang paniniwala na sa tamang panahon, ang katotohanan ang siyang mananaig.

Kaugnay na Balita: 'Allow the justice system to work!' Jolo Revilla umapela sa publiko, media para sa ama

Taxi driver na tinangkang molestiyahin pasahero niya sa Davao City, tinutugis na!

Pinaiigting ng mga awtoridad ang paghahanap sa isang taxi driver na inireklamo ng pambabastos ng pasahero niyang babaeng estudyante sa Davao City matapos umanong magbitaw ng mga hindi angkop at malaswang pahayag habang nasa biyahe.Ayon sa mga ulat, sinabi na mismong ang estudyante ang nag-record ng video ng mga sinasabing pananalita ng driver, na kalauna’y kumalat sa social media.Batay sa...

Zaldy Co, kailangan munang umuwi ng bansa kung nais tumestigo vs PBBM—Rep. Luistro

Kinakailangan daw munang umuwi sa Pilipinas ni dating Ako Bicol Partylist Rep. Zaldy Co kung nagnanais siyang magbigay ng testimonya kaugnay sa impeachment complaint laban kay Pangulong Ferdinand “Bongbong” Marcos, Jr.Ayon sa mga ulat nitong Sabado, Enero 24, 2026, mula sa pinangunahan at isinagawang news forum ni Batangas 2nd District Representative at House Committee on Justice Chairperson...

Supporters ni ex-VP Leni, PBBM pinagsasanib-pwersa ni Trillanes sa 2028

Bukas si dating Senador Antonio “Sonny” Trillanes IV sa posibilidad na makipag-alyansa sa mga kandidato ng kasalukuyang administrasyon sa darating na 2028 elections.Sa isang episode ng “Sa Totoo Lang” ng One PH noong Biyernes, Enero 23, nabanggit ni Trillanes ang isang aral na natutuhan umano nila sa pampanguluhang halalan noong 2022.Ani Trillanes, “Pagka huli ka na nagdesisyon, huli ka...