Muling nagbabalik ang libreng Online Basic Japanese Language Class na handog ng Quezon City Public Library (QCPL) ngayong 2026.
Sa isang Facebook post ng QCPL kamakailan, inilatag nila ang mga detalye para makapagrehistro ang mga aplikanteng interesado.
Bukas ang pagpapatala hanggang Marso 31, 2026, sa pamamagitan ng link na ito. https://forms.gle/uj1q5txLYUxoTN4q6.
Kinakailangan 18 ang edad pataas ng mga lalahok.
‘Enerhiya sa basura?’ MMDA at DOE, lumagda ng kasunduan para solusyonan mga basura sa NCR
Bukod dito, kahingian din ang pagkakaroon ng laptop, desktop, o smartphone at stable na internet connection. Gayundin ang Zoom application account dahil sa platform na ito gaganapin ang klase.
Magsisimula ang klase sa Enero 22 mula 1 p.m. hanggang 3 p.m. Sakaling hindi mapabilang sa unang 500 kalahok, narito ang iba pang petsa na maaaring ikonsidera kada buwan:
Pebrero 19, Huwebes
Marso 26, Huwebes
Abril 23, Huwebes
Mayo 21, Huwebes
Hunyo 18, Huwebes
Hulyo 23, Huwebes
Agosto 20, Huwebes
Setyembre 24, Huwebes
Oktubre 22, Huwebes
Nobyembre 26, Huwebes
Matatandaang nauna na itong inilunsad ng QCPL noon pang 2019 kasama ang Jellyfish Education Philippines, Inc.
