PBBM, nakisimpatya sa mga biktima ng Binaliw landfill landslide; tiniyak burial support, tulong-Balita

PBBM, nakisimpatya sa mga biktima ng Binaliw landfill landslide; tiniyak burial support, tulong

Nagpaabot ng pakikisimpatya si Pangulong Ferdinand “Bongbong” Marcos, Jr., para sa lahat ng naging biktima at nasawi sa naganap na insidente ng Binaliw landfill landslide sa Cebu City noong Enero 08, 2026.

Sa naging pagdalo ng Pangulo sa Naming and Delivery Ceremony of Hull No. SC443 ng Tsuneishi Group Corporation sa Balamban, Cebu nitong Huwebes, Enero 15, ginamit niyang pagkakataon ang simula ng kaniyang talumpati para makisimpatya sa mga biktima ng naturang insidente.

“Before we start, let us take a moment of silence for the victims of the landfill incident in Barangay Binaliw, Cebu City last January 08,” pagsisimula niya.

Ayon kay PBBM, huwag daw mabahala ang publiko dahil patuloy ang pagsasagawa ng mga awtoridad ng search and rescue operations para sa mga naapektuhan ng pagguho ng mga basura sa naturang lugar.

“A search and rescue operations continue. We offer our prayers for the souls of the departed and strength to their grieving families,” aniya.

Dagdag pa niya, “Please be assured that the government is taking all necessary measures to ensure safety, transparency, accountability, and compassionate assistance.”

Pagpapatuloy pa ni PBBM, nagpaabot na rin daw ang pamahalaan ng burial support at iba pang uri ng tulong para sa mga biktima ng insidente.

“Burial support and other forms of aid are now being directed to those who have been affected by this tragedy,” saad niya.

“Let us stand in solidarity with our fellow Filipinos during these difficult times,” pagtatapos pa niya.

Kaugnay nito, Umabot na sa 22 ang bilang ng mga bangkay na narekober mula sa pagguho ng Binaliw landfill, ayon sa 6:32 AM update ng mga awtoridad nitong Huwebes, Enero 15.

MAKI-BALITA: Mga nasawi sa Binaliw landslide, higit 20 na; ‘Day of Mourning,’ idineklara sa Cebu City

18 indibidwal ang mga naitalang sugatan at 14 ang nawawala pa rin.

Sa pangunguna ng Cebu City Disaster Risk Reduction and Management Council (CCDRRMC), nagpapatuloy ang search and retrieval operations sa Binaliw landfill.

MAKI-BALITA: ‘Cease and Desist Order,’ ibinaba ng DENR sa gumuhong landfill sa Binaliw, Cebu City

MAKI-BALITA: VP Sara nakiramay, personal na bumisita sa mga biktima ng Binaliw Landfill Landslide sa Cebu

Mc Vincent Mirabuna/Balita

Sen. Estrada sa ₱800 wage hike ng mga kasambahay: 'A great help'

Ayon kay Senador Jinggoy Estrada na makatutulong ang ₱800 umento sa sahod ng mga kasambahay sa Metro Manila, sa gitna ng patuloy na pagtaas ng presyo ng 'basic commodities.'Sa isang pahayag, ikinatuwa ni Estrada ang pag-apruba ng naturang halaga ng umento sa sahod. Maki-Balita: 'Fruits of hardwork!' Sen. Estrada, ikinatuwa ₱800 umento sa sahod ng mga kasambahaySinabi rin...

Valenzuela City Councilor, sinita sa umano’y maluhong pamumuhay

Usap-usapan ang magagarang damit at bag na ibinibida ni Valenzuela City Councilor Kisha Coleen Ancheta sa publiko, sa pamamagitan ng social media posts niya.Sa isang Reddit post noong Biyernes, Enero 23, kinuwesityon ng isang netizen ang asta ni Ancheta. Kalakip kasi ng post ang screenshot ng umano’y mensahe ng konsehala.“Inggit ka lang eh HAHAHAHA, trabaho ka kasi, iyak ka na lang, gusto ko...

'Gusto n'ya iba na ang tumaya!' Robredo, 'di na raw bet Presidential bid sa 2028?

Ibinahagi ni Sen. Kiko Pangilinan ang naging usapan umano nila ni dating Vice President at Naga City Mayor Leni Robredo para sa susunod na Presidential election sa 2028.Sa panayam ng media kay Pangilinan nitong Sabado, Enero 24, 2026, iginiit niyang mas gusto na lang daw ni Robredo na ibang tao na lang ang tumayo sa inaalok na posisyon sa kaniya na tumakbo muling Presidente ng bansa.“Sabi ko sa...