#KaFaithTalks: Susunod ka pa rin ba sa Panginoon kahit mahirap?-Balita

#KaFaithTalks: Susunod ka pa rin ba sa Panginoon kahit mahirap?

Susunod ka ba kahit sa tingin ng mata ng tao ay imposible ang pinagagawa ng Diyos?

Madalas, madaling gawin ang isang bagay kung marami kang nakikitang gumagawa nito, kasi may nakaka-relate sa’yo, “shared bond” kumbaga, pero kung kapag ikaw lang, minsan, nakakapanghina ng loob.

Balikan mo ‘yong kuwento ni Noah sa Bibliya.

Sabi sa Genesis 6:5-8, ikinalungkot ni Yahweh ang laganap na kasamaan at korapsyon sa mundo, kaya sinabi Niyang pipinsalin Niya ang mundo at lahat ng nakatira dito, bukod kay Noah, na naging kalugod-lugod sa Kaniya.

Noong mga panahon na ito, inutusan ng Panginoon si Noah na bumuo ng arko o malaking barko dahil uulan at babaha sa buong mundo sa loob ng 40 araw at gabi (Genesis 6:13-18).

Sumunod si Noah, kahit hindi pa nagkakaroon ng ulan sa mundo noong mga panahon na ito–hindi pa Siya nakakakita ng ulan at baha, malamang, hindi pa rin alam ni Noah kung ano ang itsura o pakiramdam ng ulan at baha, pero sumunod pa rin siya sa Panginoon.

Sa buong mundo, si Noah at ang pamilya lang niya ang nakaligtas sa baha (Genesis 7:23).

Sa kalagitnaan at pagtapos ng kalamidad, hindi kinalimutan ng Diyos si Noah, at ginamit pa siya para muling paramihin ang buhay sa mundo.

“Kung susundin lamang ninyo si Yahweh na inyong Diyos at tutuparin ang kanyang mga utos, gagawin niya kayong pinakadakila sa lahat ng mga bansa sa balat ng lupa. Mapapasa-inyo ang lahat ng mga pagpapalang ito kung susundin ninyo ang Diyos ninyong si Yahweh.” Deuteronomio 28:1-2

Bagama’t lumakad tayo sa madilim na daan, tiniyak ng Panginoon na mapanghahawakan natin ang paggabay ng Kaniyang tungkod at pamalo (Mga Awit 23:4), dahil kung saan niya tayo tinawag, nagpapatnubay Siya.

Higit pa sa sapat ang mga pagpapala Niya, at tiyak na ibabalik Niya nang siksik, liglig, at umaapaw, ang mga bagay na tingin natin ay nawala sa atin habang sumusunod tayo sa Kaniya.

Kaya sa pagpasok natin sa taong 2026, panghawakan natin na hindi kailanman magkukulang ang Panginoon, at may gantimpala ang pananampalataya at pagsunod natin sa Kaniya (Isaias 3:10).

Sean Antonio/BALITA

'Pilipino po ba kayo?' PCG Spox, binanatan Pinoy trolls na pumapanig sa China!

Diretsahang kinuwestiyon ni Philippine Coast Guard (PCG) Spokesperson Jay Tarriela ang umano’y Pilipinong trolls sa mundo ng social media na tila pumapanig sa bansang China. Kaugnay ito ng ibinahagi ni Tarriela sa kaniyang “X” account nitong Sabado, Enero 24, mula sa Facebook post ng netizen na nagngangalang “Lovely Granada.” “FB pages & accounts selling the narrative of China,...

Aso, nasagip matapos tumalon sa riles ng MRT-3 station

Nailigtas ng mga tauhan ng Philippine Coast Guard (PCG) ang isang asong nakapasok sa isang estayon ng MRT-3 at tumalon sa mismong riles nito kamakailan. Sa ulat ng PCG, Huwebes, Enero 22, nang mangyari ang insidente sa MRT-3 Guadalupe Station. Agad namang nabigyan ng lunas ang mga natamong maliliit na sugat sa paa ng aso dahil sa pagbabaybay nito sa riles ng estasyon. Noon ding araw na iyon,...

Sen. Kiko, bumuwelta sa Chinese embassy matapos puntiryahin si Sen. Risa!

Binuweltahan ni Sen. Francis “Kiko” Pangilinan si Chinese Embassy Deputy Spokesperson Guo Wei tungkol sa naging sagot nito sa nauna nang pahayag na inilabas ni Sen. Risa Hontiveros. “No one wants to silence you, and no one should be silenced. But freedom of speech is NOT a license to recklessly defame or attack others, let alone the head of state of another country—this is completely...