'Palagay ko, tinulak!' Chavit, 'di kumbinsido sa paraan ng pagkamatay ni Cabral-Balita

'Palagay ko, tinulak!' Chavit, 'di kumbinsido sa paraan ng pagkamatay ni Cabral

Tila hindi naniniwala si dating Ilocos Sur governor Luis "Chavit" Singson na aksidenteng nahulog si dating Department of Public Works and Highways (DPWH) Usec. Catalina Cabral sa Kennon Road sa Benguet noong Disyembre 18, 2025.

Ayon kay Chavit, sa isinagawang press conference ng kampo niya nitong Lunes Enero 5, sinabi niyang kailangan daw maimbestigahan pa ang pagkamatay ni Cabral.

“Kailangang maimbestigahan ‘yan. I don’t believe na nagpakamatay ‘yon,” pagsisimula niya.

Diin ni Chavit, may tumatawag umano kay Cabral kaya nagpabalik-balik ito sa nasabing lugar kung saan siya nahulog.

“Unang una, takot sa height ‘yon. May tumawag sa kaniya na pumunta doon at nagbalik-balik [sila] dahil may tumawag-tawag na ‘punta ka roon, punta ka roon,’” kuwento niya.

Dagdag pa niya, “Palagay ko tinulak. Ang balita ko, siya ang nakakaalam lahat ‘yong mga kalokohan.”

Buwelta pa ni Chavit, may “basbas” raw ng Palasyo ang naging insidente ng pagkamatay ni Cabral.

“Hindi nila magagawa ‘yan kung walang blessing ang Malacañang. Hindi magagawa [ng] [Department] of Public Works and Highways lahat ‘yan kung walang blessing ang Malacañang,” saad niya.

“Maliwanag yan,” pagtatapos pa ni Chavit.

Samantala, wala namang inilabas na pahayag ang Palasyo sa isinagawa nilang press briefing nito ng Lunes kaugnay sa sinabi ni Chavit.

Matatandaang pumanaw si Cabral noong madaling araw ng Disyembre 19, 2025, matapos mahulog umano sa bangin, na tinatayang nasa 20 hanggang 30 metro ang lalim.

MAKI-BALITA: Dating DPWH Usec. Cabral, pumanaw matapos mahulog umano sa bangin

Kinumpirma ng Benguet Provincial Police Office ang pagpanaw ng ginang bandang 12:03 ng madaling araw matapos maiulat na natagpuan umano ang katawan nito na “unconscious” at “unresponsive” malapit sa ilog ng Bued sa Tuba, Benguet matapos umanong mahulog sa bangin noong Huwebes ng gabi, Disyembre 18, 2025.

MAKI-BALITA: SILG Remulla, kinumpirmang si Cabral bangkay na natagpuan sa Tuba, Benguet

MAKI-BALITA: Magdalawa pa sila? Chavit, hinamon si PBBM, Romualdez ng debate sa Malacañang

Mc Vincent Mirabuna/Balita

Kahit malayo sa Pinas: Christmas ni Harry, merry!

Sinabi ng dating presidential spokesperson na si Atty. Harry Roque na kahit malayo siya ngayon sa Pilipinas at sa kaniyang pamilya, naging 'merry' naman daw ang pagdiriwang niya ng Pasko habang nasa ibang bansa.Ipinahayag ito ni Roque habang nagbabaklas ng Christmas tree, nitong araw ng Martes, Enero 3, sa araw ng Tatlong Hari.[Nairaos] din po ang pasko! mababasa sa caption ng kaniyang...

ICC, tinanggihan hiling ng kampo ni FPRRD sa access ng komunikasyon sa medical experts

Hindi pinahintulutan ng International Criminal Court (ICC) ang apela ng kampo ni dating Pangulong Rodrigo Duterte na bigyan sila ng access sa pribadong komunikasyon sa pagitan ng Registry ng korte at ng mga independent medical experts na sumusuri sa kakayahan ng dating pangulo na humarap sa paglilitis.Batay sa inilabas na desisyon noong Disyembre 23, 2025, sinabi ng ICC Pre-Trial Chamber I na...

Rep. Pulong sa lagay ni FPRRD: 'Long hair na siya!'

Nagbigay ng update si Davao City. Rep. Paolo 'Pulong' Duterte hinggil sa lagay ngayon ng amang si dating Pangulong Rodrigo Duterte, na kasalukuyang nakakulong pa rin sa detention center ng International Criminal Court (ICC) dahil sa kasong crime against humanity.Sa Facebook post ng vlogger na si 'Alvin & Tourism' nitong Martes, Enero 6, ibinahagi ng kongresista ang naging...

'Palagay ko, tinulak!' Chavit, 'di kumbinsido sa paraan ng pagkamatay ni Cabral

'Palagay ko, tinulak!' Chavit, 'di kumbinsido sa paraan ng pagkamatay ni Cabral

Inirerekomendang balita

Kahit malayo sa Pinas: Christmas ni Harry, merry!

ICC, tinanggihan hiling ng kampo ni FPRRD sa access ng komunikasyon sa medical experts

Rep. Pulong sa lagay ni FPRRD: 'Long hair na siya!'

Features

Opinyon