Jerry Gracio tinalakan Amerika: ’Umaasta na namang pulis pangkalawakan ang US!’-Balita

Jerry Gracio tinalakan Amerika: ’Umaasta na namang pulis pangkalawakan ang US!’

Nagpahayag ng kaniyang sentimyento ang manunulat na si Jerry Gracio matapos ang napaulat na pag-atake ng Estados Unidos sa bansang Venezuela.

Kaugnay ito sa pag-aresto ng sandatahang lakas ng US kay Venezuelan President Nicolas Maduro at sa asawa niyang si Cilia Flores sa Caracas noong Sabado ng gabi, Enero 3, dahil umano sa “narco-terrorism.”

KAUGNAY NA BALITA: ALAMIN: Bakbakang US-Venezuela, paano nga ba nagsimula; may epekto ba sa Pilipinas?-Balita

Saad ni Gracio sa kaniyang social media post noong Sabado, Enero 3, wala naman daw siyang pakialam kay Maduro, ngunit may pakialam siya sa soberenyang mayroon ang bansang Venezuela.

“Wala akong paki kay Maduro. Pero may paki ako na ang isang sovereign state tulad ng Venezuela ay bigla na lang binomba at pinasok ng US,” ani Gracio.

Dagdag pa niya, “Dahil daw sa drugs? Maniwala naman kayo. Ang rason ay langis. Umaasta na namang pulis pangkalawakan ang US. Kapag walang umalma, ano ang isusunod nila? Mexico? This is an imperialist aggression. Period.”

Sa hiwalay namang social media post nitong Linggo, Enero 4, nanindigan si Gracio na walang karapatan ang sinumang bansa na sakupin ang isa pang nasyon—gaano man ito kalaki.

“So, okay lang sakupin ng US ang Venezuela dahil diktador naman at sira-ulo si Maduro? Sino ang nagbigay ng kapangyarihan sa US para maging pulis pangkalawakan? Si Shaider? Sinisira nito ang rules-based international order—na walang karapatan ang kahit sinong bansa, gaano man ang laki at kapangyarihan na lusubin at sakupin ang iba pang mga bansa,” aniya.

“Kapag hindi ito pinalagan, sino ang pipigil sa iba pang bansa tulad ng Russia na sakupin nang tuluyan ang Ukraine? So okay lang na lusubin ng China ang Taiwan o ang Vietnam? O ang Pilipinas dahil “bangag” naman ang Presidente? Kung binomba ng US ang Venezuela, ano ang isusunod nila? Malabon? Navotas? Caloocan?” pagtatapos niya.

Nauna nang nagsalita si Mamamayang Liberal (ML) Party-list Rep. Atty. Leila de Lima kaugnay sa hidwaang naganap sa pagitan ng US at Venezuela. Aniya, “kaladkad” daw ang bansang Pilipinas dito.

“This reflects poorly on us as well, regardless of our own faithful adherence to international law, simply because the US is our ally,” ani Rep. De Lima.

MAKI-BALITA: 'This reflects poorly on us!' De Lima, sinabing ‘kaladkad’ PH sa ginawang atake ng US sa Venezuela-Balita

Vincent Gutierrez/BALITA

Updated! Road closures at re-routing ng mga sasakyan simula Enero 8, para sa Traslacion 2026

Muling naglabas ng update ang Manila Police District (MPD) sa mga daanan na isasara at puwedeng daaanan simula sa 9:00 AM ng Huwebes, Enero 8, bilang paghahanda sa dagsa ng mga deboto sa ilang kalsada sa Maynila, sa darating na Traslacion 2026 sa Biyernes, Enero 9. Ang mga sumusunod ang listahan ng mga isasarang kalsada:- Bonifacio Drive Northbound at Southbound mula Anda Circle hanggang P....

Waiting pa! Rep. San Fernando, nilinaw na 'di pa rin binibigay ni Rep. Leviste kopya ng budget insertions

Nilinaw ni Kamanggagawa Partylist Rep. Eli San Fernando na hindi pa raw naibibigay sa kaniya ni Batangas 1st district Rep. Leandro Leviste ang kopya ng kontrobersyal na flood control budget insertions.Sa pahayag na ibinigay niya sa media nitong Lunes, Enero 5, 2026, iginiit niyang inaantay pa rin daw niya ang naturang kopya at agad na isasapubliko kung sakaling mapasakamay na raw niya...

'Flood control projects budget sa 2026, mas 'specific' sa foreign assisted projects!'—DBM Sec. Toledo

Nilinaw sa publiko ni Department of Budget and Management (DBM) Sec. Rolando Toledo na mayroon pa rin daw budget na nakalaan para sa flood control projects ngunit nakatuon na umano ito sa foreign assisted project. Ayon sa isinagawa press briefing ng Presidential Communications Office (PCO) nitong Lunes, Enero 5, kasama si Toledo ang iba, sinagot niya ang tanong kung may nakalaan pa bang budget...