Nanawagan si Pangulong Ferdinand “Bongbong” Marcos Jr. nitong Huwebes, Enero 1, 2026, sa mga Pilipino na salubungin ang Bagong Taon na may disiplina, kumpiyansa, at sama-samang paninindigan sa pambansang kaunlaran at adbokasiyang Bagong Pilipinas, kasabay ng pagpasok ng taong 2026.
Sa kaniyang New Year message, hinikayat ng Pangulo ang mamamayan na magkaisa at magtaglay ng malasakit at kolektibong layunin sa pagharap sa mga hamon at oportunidad ng darating na taon.
“As we step into the unfolding days ahead, may we move forward with a clearer understanding of our role in each other’s lives and a renewed commitment to building a future shaped not by circumstance done, but by the strength of our will and the clarity of our collective purpose,” ani Marcos.
Inanyayahan din ng Pangulo ang mga Pilipino na huminto sandali at suriin ang mga karanasan sa nagdaang taon, binibigyang-diin ang kahalagahan ng pagkatuto mula sa mga pagsubok habang nagtatakda ng mas malinaw at positibong direksyon para sa hinaharap.
“The coming of another year is always a moment for reflection and renewal. It gives us the opportunity to look back on the year that has passed–its lessons, challenges, and achievements–and to look ahead with hope and purpose to the possibilities that await us,” ayon sa Pangulo.
Character development? Sen. Erwin Tulfo, aminadong suportado ang drug war noon!
Habang pumapasok ang bansa sa isang bagong yugto, binigyang-diin ni Marcos ang papel ng personal na disiplina at sama-samang pagkilos sa paghubog ng kinabukasan ng bansa.
“As we step into 2026, I therefore call on every Filipino to embrace the year with discipline, confidence, and a shared commitment to our nation’s progress. For beyond personal resolutions, the new year calls on us to examine how we live with one another, how we lift one another, and how our choices shape our nation,” anang Pangulo.
Muling pinagtibay ng Pangulo ang determinasyon ng pamahalaan na isulong ang isang mas nagkakaisa at mahabaging Bagong Pilipinas, habang binibigyang-halaga ang kahalagahan ng pagkakaisa at moral na pagpapasya sa nation-building.
“A society thrives when its people choose empathy over indifference, service over self-Interest, and hope over despair,” diin ni Marcos.
“It is thus our commitment in the government to be relentless in pursuing a Bagong Pilipinas that nurtures unity, fosters compassion, and showcases the greatness of our kababayans,” dagdag pa niya.
