Bago pa man salubungin ang Bagong Taon, iniulat ng Department of Health (DOH) na nakapagtala na sila ng pitong katao na nabiktima ng paputok.
Ang naturang bilang ay naitala mula 4:00AM ng Disyembre 21 hanggang 6:00AM ng Disyembre 23, 2025, sa isinasagawang surveillance sa 62 sentinel hospitals na binabantayan ng DOH.
Ito ay 75% na pagbaba mula sa 28 kaso na naitala sa kahalintulad na petsa noong nakaraang taon.Sa naturang bilang, 57% ang nagkaka-edad ng 19 taong gulang pababa habang 43% naman ang nagkaka-edad ng 20 taong gulang pataas.
Ayon sa DOH, pinakamarami sa mga biktima ay nasugatan dahil sa boga at 5 star.
'Wala kayong mabola no?' PBBM, FL Liza nangalampag sa 3 boys, bet nang magkaapo
Kaugnay nito, pinayuhan naman ng DOH ang publiko na umiwas sa paggamit ng paputok.
Sakali naman umanong mabiktima ng paputok, kaagad nang kumonsulta sa doktor upang malapatan ng kaukulang lunas.
