Isiniwalat ni “Bar Boys: After School” star Carlo Aquino ang konidyon ng kaniyang kalusugan noong mga nakalipas na buwan.
Sa ulat ng ABS-CBN News nitong Linggo, Disyembre 21, sinabi umano ni Carlo na bumagsak umano ang kalusugan niya matapos ang halos sabay-sabay na proyekto sa telebisyon at pelikula.
“Muntik na [ma-operahan] kasi no’ng ginagawa namin itong pelikula na ito, actually halos sabay-sabay kasi ako this year, ‘yong ‘It’s Okay To Not Be Okay,’ ‘yong ‘The Time That Remains,’ ‘yong Bar Boys, tapos may pelikula kami ni Bela [Padilla] which is next year po ‘ata, sa March,” lahad ni Carlo.
Dagdag pa niya, [P]arang nag-decline ‘yong health ko and nakakita sila ng parang bara sa puso ko. They had to check. Fortunately, hindi kailangan ng stent but siyempre nangayayat ako. Ngayon nakakabalik-balik na. Medyo humealthy na ulit kahit papaano."
Sen. Win Gatchalian, pasimpleng kinumpirma hiwalayan nila ni Bianca Manalo?
Ngunit inamin ni Carlo na marami na raw siyang maintenance para sa cholesterol at high blood. Kaya naman unti-unti na rin niyang inalis ang mga bisyo sa kaniyang katawan tulad ng pagkonsumo ng vape.
Aniya, “Ang pinaka-bisyo ko na lang talaga ngayon is kape. And my daughter and my wife. “
Samantala, ang pag-inom naman ng alak ay noong 2022 pa niya itinigil dahil umano sa uric acid.
