'Thank You Lord!' Ruffa Gutierrez nagpasalamat sa pagbuti ng lagay ni Eddie Gutierrez-Balita

'Thank You Lord!' Ruffa Gutierrez nagpasalamat sa pagbuti ng lagay ni Eddie Gutierrez

Nagpasalamat ang aktres na si Ruffa Gutierrez matapos ang pagbuti ng kalagayan ng kaniyang ama na si Eddie Gutierrez.

Kaugnay ito sa pakiusap ni Ruffa sa publiko na ipagdasal ang kaniyang ama dahil ito raw ay sasailalim sa isang medical procedure.

“Please join us in prayer as our dad, Eddie Gutierrez, undergoes his first spinal procedure today in Singapore with Dr. Prem Pillay at the Neuro Spine & Pain Center, Mount Elizabeth Hospital,” saad ni Ruffa sa isang Instagram (IG) post kamakailan.

MAKI-BALITA: Ruffa Gutierrez, umapela ng dasal para sa erpat nilang isasailalim sa operasyon-Balita

Ibinahagi naman niya sa isang social media post noong Linggo, Disyembre 14 ang mga pagbabago sa kalagayan ng kaniyang ama na aniya’y isang milagro.

“It’s been a week since Dad flew to Singapore with Mom and Mond for what we thought was a spinal procedure. Instead, an MRI revealed a serious infection. Everything changed in an instant. Yet in the midst of fear and uncertainty, grace carried us through. In just six days, Dad’s recovery has been nothing short of a miracle,” ani Ruffa.

Kumpara din daw noong Oktubre, mas marami na raw itong nagagawa ngayon tulad ng pagkain, panonood ng basketball, at pagkanta ng mga awitin ng music icon na si Elvis Presley.

“Look at him in October—overwhelmed with pain. And now look at him last night...He’s eating again. His back pain is easing. He’s watching NBA Laker[s] games. He’s singing Elvis Presley songs once more. Thank You, Lord!!!” aniya pa.

Photo courtesy: iloveruffag/IG

Inilahad niya ring uuwi ito sa pagsapit ng holidays, at babalik sa Singapore sa Enero 2026 at Marso 2026 para sa mga isasagawa pang procedure. Aniya, gagawin daw nila ang lahat para kay Eddie.

“Maraming salamat po sa lahat ng nagdasal, tuwawag, nag message and stood with us every step of the way. Mahal na mahal namin kayo. This will be my last update. Mahigpit na yakap sa lahat ng may pinagdadaanan. You are not alone. Hang in there! Have a blessed Sunday!” pagtatapos niya.

Matatandaang ibinahagi naman ng talent manager na si Annabelle Rama kamakailan na hindi muna sila magpa-party sapagkat may sakit ang kaniyang asawa.

“Wala, may sakit asawa ko. Babantayan ko. Wala munang party-party,” saad ni Annabelle sa isang panayam.

MAKI-BALITA: Annabelle Rama, wala planong pumarty sa Pasko; tututukan mister na may sakit!-Balita

Vincent Gutierrez/BALITA

Political scientist sa pagtatago umano ni Bato: 'Napakaduwag!'

Tila dismayado ang political scientist na si Cleve Arguelles sa kasalukuyang inaasta ni Sen. Ronald “Bato” Dela Rosa. Sa latest episode ng “Politika All The Way” ng One PH kamakailan, inusisa si Cleve tungkol sa pananw niya sa nasabing senador.“What do you think of him? Is he right in not presenting himself?” tanong ni Jojo Alejar.Sagot ni Cleve, “Napakaduwag! [...] I think, may...

'Nandito si Mama, naghihintay sa 'yo!' Nanay ng nawawalang bride-to-be, nanawagang maibalik nang maayos ang anak

Nanawagan sa publiko ang nanay ni Sherra De Juan, ang nawawalang bride-to-be sa Quezon City, na sana ay makabalik pa nang maayos ang anak na ikakasal na sana sa fiance niya kahapon ng Linggo, Disyembre 14.Sa panayam ng ABS-CBN News kay Tita De Juan, nanay ni Sherra, nag-iwan siya ng mensahe sa anak, na sana raw ay bumalik na sa kaniya dahil naghihintay ang mga nagmamahal sa kaniya.'Kung...

3 mangingisdang sugatan sa water canon ng China nasa maayos na kondisyon na!

Tatlong mangingisdang Pilipino na nasugatan matapos bombahin ng water cannon ng mga sasakyang pandagat ng China sa Escoda Shoal ay nasa “mas mabuting kalagayan na,” ayon sa National Maritime Council (NMC) nitong Lunes, Disyembre 15, 2025. Ayon sa Philippine Coast Guard (PCG), inatake ng mga barko ng Chinese Coast Guard (CCG) at Chinese maritime militia (CMM) ang mga bangkang Pilipino nitong...

'Thank You Lord!' Ruffa Gutierrez nagpasalamat sa pagbuti ng lagay ni Eddie Gutierrez

'Thank You Lord!' Ruffa Gutierrez nagpasalamat sa pagbuti ng lagay ni Eddie Gutierrez

Inirerekomendang balita

Political scientist sa pagtatago umano ni Bato: 'Napakaduwag!'

'Nandito si Mama, naghihintay sa 'yo!' Nanay ng nawawalang bride-to-be, nanawagang maibalik nang maayos ang anak

3 mangingisdang sugatan sa water canon ng China nasa maayos na kondisyon na!

Features

Opinyon