Hindi napigilan ng actress-model na si Ellen Adarna na mag-react matapos niyang mapanood ang pakikipanayam ng aktres na si Angelica Panganiban kay broadcast journalist Karen Davila, kung saan nagbahagi ito ng mga sentimyento at opinyon patungkol sa kaniya.
Sa ibinahaging Instagram (IG) story ni Ellen noong Huwebes, makikitang pinanonood ni Ellen ang naturang panayam kung saan sinabi ni Angelica na bilib siya kay Ellen.
“Baka iba-iba pa nasabi ko kung ‘di ako masaya ngayon. Sabihin ko talaga, ‘ito naman, ‘di pa natuto sa akin’.” ‘Yon, mabibitawan ko ‘yon noon. Nakakabilib nga [siya], ‘di ba sabi ko nga sa’yo kanina, ‘nakakabilib nga siya e, ang tapang niya’.” Para niyang nagawa ‘yong mga hindi ko kayang gawin noon,” ani Angelica.
“Tragissss ahahah @iamangelicap, @iamkarendavila,” sagot naman ni Ellen sa kaniyang IG story.
Photo courtesy: maria.elena.adarna/IG
Sa hiwalay na IG story, tila tawang-tawa naman si Ellen nang banggitin ni Angelica na ‘di pa umano siya nai-invite sa group chat.
Ani Angelica, “Hindi pa nga ako na-invite sa group chat, e.”
Buwelta naman ni Ellen, “Promise masaya and nakakatawa ung group chat @iamangelicap.”
Photo courtesy: maria.elena.adarna/IG
Sa parehong panayam, isiniwalat ni Angelica na pakiramdam niya ay maaari silang maging magkaibigan ni Ellen.
“Feeling ko [puwede naman kami maging friends.] Marami kaming pag-uusapan—’wag lang niya ise-screenshot, ‘wag lang niya i-record,” saad ni Angelica.
MAKI-BALITA: 'Wag niya lang i-screenshot!' Angelica Panganiban, marami pag-uusapan kung maging friend si Ellen Adarna-Balita
Vincent Gutierrez/BALITA
