Ipinaliwanag ni Palace Press Officer at Presidential Communications Office (PCO) Undersecretary Atty. Claire Castro kung bakit hindi "certify as urgent" ang pagpapasa ng apat na legislative orders, kabilang na ang Anti-dynasty bill.
"Nagbigay [na] po ng mensahe ang Pangulo [Bongbong Marcos] na ito ay unahin at pag-aralang mabuti para ito ay mapasa kaagad," saad ni Castro sa isang press briefing nitong Miyerkules, Disyembre 10. "Malinaw ang mensahe ng Pangulo."
Paliwanag ni Castro na base sa Konstitusyon, kinakailangan lang daw i-certify as urgent ng Pangulo ang isang bill kung may tinatawag daw na "public calamity" o "emergency."
Kaya giit ng Palace Press officer, nakaayon sa Konstitusyon ang hindi pag-certify as urgent ni Marcos.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
"So, naaayon naman po sa Konstitusyon ang ginagawa ng Pangulo. Hindi naman po ibig sabihin na hindi sinertify as urgent ng isang bill ay hindi na po sinsero ang Pangulo. Kaya po binigyan niya ng mensahe, malinaw, priority bills po ang apat na legislative measures," pagtatapos ni Castro.
Ang apat na legislative measures na pinaprayoridad ni Marcos ay ang Anti-dynasty bill, Independent People's Commission Act, Party-list System Reform Act, at Citizens Access and Disclosure of Expenditures for National Accountability (CADENA) Act.
Maki-Balita: PBBM, pinamamadali pagpapasa ng Anti-dynasty bill, Party-list System Reform Act, atbp.
