'Di na makakapagmaneho!' Vlogger, revoked lisensya matapos 'di sumipot sa LTO-Balita

'Di na makakapagmaneho!' Vlogger, revoked lisensya matapos 'di sumipot sa LTO

Napagdesisyunan ng Land Transportation Office (LTO) na i-revoke ang lisensya ng isang vlogger nang hindi ito sumipot sa kanilang tanggapin matapos padalhan ng Show Cause Order.

Ayon sa inilabas a press report ng LTO sa kanilang Facebook page nitong Biyernes, Disyembre 5, sinabi nilang hindi raw sumipot sa itinakdang pagdinig ang naturang vlogger sa LTO- Intelligence and Investigation Division (IID) upang bigyan sana ito ng pagkakataong depensahan ang sarili.

“[H]indi sumipot ang naturang vlogger sa itinakdang hearing ng LTO- Intelligence and Investigation Division (IID) upang magsumite ng kaniyang verified comment/explanation para ipaliwanag ang panig nito kung bakit hindi siya dapat patawan ng mga kasong paglabag sa Failure to Attach Authorized Motor Vehicle License Plate, Mandatory Use of Seatbelt, Distracted Driving, Reckless Driving at Improper Person to Operate a Motor Vehicle,” paliwanag nila.

Dahil umano sa pagbabalewalang ito ng hindi nilang pinangalanang vlogger, tuluyang ni-revoke ng LTO ang lisensya niya at mananatiling naka-alarma ang Ford Expedition nito habang hindi pa sumasailalim sa kumpletong roadworthiness inspection sa LTO Motor Vehicle Inspection Facility.

Kaugnay nito ang nauna nang naging press release ng LTO sa inisyu nilang Show Cause Order sa nasabing vlogger matapos kumalat sa social media ang isang video niya na nagpapakita ng ilang paglabag sa batas-trapiko.

“Sa naturang viral na video, makikitang minamaneho ng vlogger ang sasakyan gamit ang pekeng plaka, hindi nakasuot ang seatbelt at gumagamit ng mobile phone habang nagmamaneho. Ang mga paglabag na ito ay itinuturing na distracted driving at nagsapanganib sa ibang motorista,” mababasa sa nauna nang post ng LTO noong Huwebes, Disyembre 4, 2025.

Samantala, kasalukuyan nang burado ngayon ang naturang video ng nasabing vlogger habang nagmamaneho na tinutukoy ng LTO.

MAKI-BALITA: 'Karamihan, walang mga rehistro!' 30 luxury cars, na-impound sa LTO

MAKI-BALITA: 'Hindi bawal sports car pero dapat maayos papeles!'—LTO

Mc Vincent Mirabuna/Balita

DPWH sa Senado: 'Restore the deducted amounts from the projects in the 2026'

Umapela ang Department of Public Works and Highways (DPWH) sa Senado para ibalik ang halagang kinaltas mula sa mga proyekto sa 2026 proposed budget ng ahensya bilang resulta sa tinapyas na Construction Materials Price Data (CMPD).Sa latest Facebook post ng DPWH nitong Sabado, Disyembre 13, hiniling nila na payagang ipatupad ang mga pagbabago sa paggasta ng proyekto gamit ang na-update na CMPD...

'Di kami namimilit!' Mga Duterte, nananatili hangga't gusto ng tao—FPRRD

Ibinahagi ni Vice President Sara Duterte ang mensahe umano ni dating Pangulong Rodrigo Duterte para sa kanilang mga tagasuporta.Sa isang video na ibinahagi ng Facebook page na kilalang tagasuporta ng pamilya Duterte sa The Hague, Netherlands na Alvin and Tourism nitong Sabado, Disyembre 13, 2025, iginiit ni VP Sara na hindi raw namimilit ang kanilang pamilya na suportahan pa rin ng...

Dizon, pinabulaanang babalik sa DOTr

Itinanggi ni Department of Public Works and Highways (DPWH) Sec. Vince Dizon ang umuugong na usap-usapang babalik umano siya sa Department of Transportation (DOTr).Sa latest episode ng “KC After Hours” nitong Sabado, Disyembre 13, sinabi ni Dizon na hindi raw totoo ang kumakalat na balitang magbibitiw siya bilang kalihim ng DPWH para bumalik sa dating ahensyang pinagasiwaan niya sa ilalim ng...