#BalitaExclusives: 'Bring him home!' Creators for Good Governance, pinatutsadahan 'humba issue' ni Harry Roque-Balita

#BalitaExclusives: 'Bring him home!' Creators for Good Governance, pinatutsadahan 'humba issue' ni Harry Roque

Nanguna sa pamimigay ng libreng humba at kanin ang grupong Creators for Good Governance sa ikinasang malawakang kilos-protesta ng Trillion Peso March Movement kasabay ang panawagan nilang pauwiin na sa bansa sina dating Presidential Spokesperson Atty. Harry Roque.

Ayon sa naging eksklusibong panayam ng Balita kay Joey Concepcion o mas kilala bilang Kagawad Joey sa kaniyang Tiktok nitong Linggo, Nobyembre 30, sinabi niyang nakiisa rin daw sila sa naturang kilos-protesta para isulong ang panawagang linisin ang gobyerno.

“Creators for Good Governance kami. Nandito kami sa rally ngayon para makiisa sa panawagan ng malinis na gobyerno,” pagsisimula ni Joey.

Dagdag pa niya, “Sa panawagan na… lahat ng korap at saka mga involve sa flood-control projects dapat ikulong.”

Ani Joey, kailangan na raw itigil ang korapsyon sa bansa dahil nauubos na nito ang kaban ng bayan.

“No to corruption. Itigil na natin kasi masyado nang ubos ang kaban ng bayan sa kakakorap nila,” ‘ika niya.

Pinuntirya pa ni Joey na kailangan na raw umanong pauwiin ng bansa si Roque at dating Ako Bicol Partylist Rep. Zaldy Co.

“Itong dalawa na ito [Co at Roquez] dapat umuwi na dahil walang tigil sila sa pag-iingay ng destabilisasyon, panggugulo sa political climate ng Pilipinas, at sa pambubudol ng mga tao,” saad niya.

Pagapapatuloy pa ni Joey, mula raw ang ideya nilang tawaging “humba ng pagkakaisa” ang pagbibigay ng pagkain sa mga tao sa naging isyu noon na pag-aaway ng mga Duterte supporter sa The Hague, Netherlands, kasama si Roque.

“Kaya po namigay kami ngayon [ng humba] dahil alam namin na maraming gutom at maraming tao na kailangang ding kumain kaya ‘humba ng pagkakaisa,’” paliwanag niya.

“‘Yon po talaga ang inspiration namin. ‘Yong humba ni Harry Roque at malapit na nga pong maubos, siguro baka dumating na si Harry Roque,” pagtatapos pa ni Joey.

MAKI-BALITA: Duterte supporter, nilinaw isyu ng 'awayan' dahil sa humba

MAKI-BALITA: Harry Roque, nagsalita na sa bardagulan issue dahil sa 'humba'

Mc Vincent Mirabuna/Balita

Sen. Bato, masayang nakita ang apo

Masaya si Senador Ronald “Bato” Dela Rosa na makita ang minamahal niyang apo. Sa latest Facebook post ni Dela Rosa nitong Biyernes, Disyembre 12, flinex niya ang kaniyang larawan habang karga ang sanggol.“Happy to see you my apo” saad sa caption.Ito ay sa kabila ng umuugong na balitang may naghihintay na arrest warrant laban sa kaniya mula sa International Criminal Court (ICC) dahil sa...

DSWD Sec. Gatchalian, may alok na ₱100K pabuya sa makakapagturo ng salarin sa asong pinutulan ng dila

Nag-anunsyo ng ₱100,000 pabuya ang dating alkalde at kongresista ng Valenzuela City na si Department of Social Welfare and Development (DSWD) Sec. Rex Gatchalian para sa sinumang makapagbibigay ng impormasyon hinggil sa malupit na pag-abuso sa asong si Kobe sa Brgy. Balangkas, Valenzuela City.Ayon sa Philippine Animal Welfare Society (PAWS), personal silang lumapit upang humingi ng tulong...

Para tumaas populasyon: China, lalagyan ng VAT mga condoms, contraceptive pills

Nakatakdang simulan ng China ang pangongolekta ng value-added tax (VAT) sa contraceptive drugs at products sa unang pagkakataon matapos ang mahigit tatlong dekada.Bahagi ito ng hakbang ng pamahalaan na hikayatin ang mga pamilya na magkaroon ng mas maraming anak matapos ang mahabang panahon ng mahigpit na population control.Batay sa bagong batas ng naturang bansa sa value-added tax, ang mga...