Naghihintay pa raw ng resource person ang Independent Commission for Infrastructure (ICI), na handang magsalaysay kahit naka-livestream na ang kanilang pagdinig.
Sa ambush interview kay ICI spokesperson Brian Hosaka, iginiit niyang kasado naman na raw ang pagpapa-livestream ng kanilang magiging pagdinig kung sakaling magkaroon na sila ng susunod na resource spokesperson.
"We’re ready to livestream and we’re just waiting for a resource person who will be appearing before the ICI and who will agree on who would be showing their testimony to the public through our livestream" saad ni Hosaka.
Paglilinaw pa ni Hosaka, hangga't wala umanong hiling executive sessions ang mga resource person, ay maaari daw nilang iratsada ang pagla-livestream ng mga pagdinig.
DFA, may panawagan sa media orgs: 'Ensure accuracy, balance, and context'
"Kung walang request for any executive session, we will have to go livestream. So they would have to justify why they are asking for an executive based on our guidelines, which is also based on existing law and jurisprudence and pronouncement by the Supreme Court," giit ni Hosaka.
Batay sa inilabas na guidelines ng ICI kamakailan, maaaring payagan ang executive sessions kung hihilingin ito ng mga government agency, government offices, resource persons at mga witness.
Ayon kay Hosaka, kung sakaling umere na ang kanilang mga pagdinig, maaari itong subaybayan ng publiko sa pamamagitan ng social media platform na YouTube.
