‘Walang puwang ang panggagahasa, pagnanakaw sa loob ng PNP!’

‘Walang puwang ang panggagahasa, pagnanakaw sa loob ng PNP!’–NAPOLCOM

Nagbigay ng pahayag ang National Police Commission (NAPOLCOM) na hindi nito kukunsintihin ang anumang uri ng pang-aabuso matapos na sampahan ng kasong administratibo ang mga sangkot na pulis sa umano’y insidente ng robbery-rape sa Bacoor, Cavite, sa isang 18-anyos na babae.

Ang mga reklamo ay inihain nitong Martes, Nobyembre 25, 2025 sa NAPOLCOM Central Office sa Quezon City laban sa mga miyembro ng Philippine National Police Drug Enforcement Group–Special Operations Unit (PDEG-SOU) 4A na inireklamo ng isang nagngangalang alyas "Nena" ng pagnanakaw at panghahalay.

Ayon kay NAPOLCOM Chief Commissioner Ralph Calinisan, titiyakin ng komisyon na mananagot ang mga pulis na sangkot sa nabanggit na insidente.

“Harap-harapan ko nang sinasabi: walang puwang ang panggagahasa, walang puwang ang pagnanakaw sa loob ng Philippine National Police. You will contend with the National Police Commission. Walang puwang ang ganitong klaseng pulis sa ating mga hanay,” mariing pahayag ni Calinisan.

Dagdag pa niya, mahalagang mapanatili ang tiwala ng publiko sa mga institusyon.

“The people need to trust in institutions, the NAPOLCOM is there for you. Ang pulis ng pulis ay ang NAPOLCOM. Pwedeng magsumbong ang kahit sinong biktima,” aniya.

Samantala, pinuri rin ng komisyon ang mabilis na aksyon ng Bacoor City Police, sa pangunguna ni PLTCOL Alexie A. Desamito, kasama ang PRO4A Regional Director PBGEN Paul Kenneth T. Lucas, Cavite Provincial Director PCOL Ariel R. Red, Regional Intelligence Division, Regional Headquarters Support Unit, at Regional Mobile Force Battalion, para sa mabilis na pag-aresto sa walo sa 14 na pulis na iniimbestigahan.

Tiniyak naman ng NAPOLCOM na mananatili itong matatag sa pagtupad ng hustisya at pagpapanagot sa sinumang opisyal ng pulisya na lalabag sa batas at sa tiwala ng taong-bayan.

Ayon sa testimonya ni Nena, bigla na lamang daw umanong pinasok ng mga pulis ang kanilang bahay noong Sabado, Nobyembre 22 habang tinutugis umano ang kaniyang boyfriend sa isang “buy-bust” operation.

Pero ayon umano sa imbestigasyon, lumabas na wala ring anumang dokumentadong operasyon, koordinasyon, o awtorisasyon ang grupo noong oras ng insidente.

Maki-Balita: 'Mananagot dapat managot!' 14 pulis na inireklamo ng pagnanakaw, panghahalay sa tinedyer, kinasuhan na!

Christmas break, magsisimula na sa Disyembre 20—DepEd

Pormal nang inanunsyo ng Department of Education (DepEd) ang simula ng Christmas break ng mga mag-aaral para sa taong pampaaralan 2025-2026.Sa ibinahaging ulat ng DepEd nitong Lunes, Disyembre 15, magsisimula ang naturang break mula Disyembre 20, 2025 at magtatapos sa Enero 4, 2026.Photo courtesy: DepEd Philippines/FBNakaayon ito sa DepEd Order No. 12 na inisyu ni DepEd Secretary Sonny Angara...

'Wag kayong gagaya!' Sec. Dizon, binalaan mga bagong District Engr., sa Bulacan

Nagbigay ng paalala si Department of Public Works and Highways (DPWH) Sec. Vince Dizon sa mga bagong talagang District Engineer at Assistant District Engineer sa Bulacan. Ayon sa isinagawang pagpupulong nina Dizon sa first district office ng DPWH sa Malolos, Bulacan noong Lunes, Disyembre 15, sinabi niyang nagbilin siya kina Officer-in-Charge (OIC) District Engineer Kenneth Fernando at OIC Asst....

'Nandito si Mama, naghihintay sa 'yo!' Nanay ng nawawalang bride-to-be, nanawagang maibalik nang maayos ang anak

Nanawagan sa publiko ang nanay ni Sherra De Juan, ang nawawalang bride-to-be sa Quezon City, na sana ay makabalik pa nang maayos ang anak na ikakasal na sana sa fiance niya kahapon ng Linggo, Disyembre 14.Sa panayam ng ABS-CBN News kay Tita De Juan, nanay ni Sherra, nag-iwan siya ng mensahe sa anak, na sana raw ay bumalik na sa kaniya dahil naghihintay ang mga nagmamahal sa kaniya.'Kung...