VP Sara, mas inaalala 'health problems' ni Roque kaysa sa passport-Balita

VP Sara, mas inaalala 'health problems' ni Roque kaysa sa passport

Mas nag-aalala umano si Vice President Sara Duterte sa problema ni dating Presidential Spokesperson Atty. Harry Roque sa kaniyang kalusugan kaysa sa pagkansela ng Korte sa pasaporte nito.

Ayon sa naging pahayag ni VP Sara sa ambush interview nitong Martes, Nobyembre 25, sinabi niyang mas may higit na mas inaalala pa raw siya tungkol kay Roque maliban sa kaniyang pasaporte.

“I am concerned about the former Spokesperson Harry Roque more than his passport,” saad niya.

Dagdag pa ni VP Sara, “He has health problems and that is the primary concern.”

Ani VP Sara, maiintindihan daw niya kung sasailalim sa medical procedure si Roque at hiling niya sa gumaling na ito.

“So I’m worried for his health and I understand [if he] underwent [a] medical procedure and I hope he get well soon,” ‘ika niya.

Samantala, hindi naman tinukoy ni VP Sara kung anong health problems ni Roque.

Kaugnay nito, matatandaang opisyal nang kinansela ng Pasig City Regional Trial Court ang pasaporte nina Roque, Katherine Cassandra Li Ong, mga ehekutibo ng Technology Resource Center na sina Dennis Cunanan, Ronelyn Baterna, at Mercides Macabasa noong Lunes, Nobyembre 24, 2025.

Nahaharap umano ang mga nabanggit na indibidwal sa kasong human trafficking na may kaugnayan sa Philippine Offshore Gaming Operator (Pogo) hub Lucky South 99 at Whirlwind Corporation.

Sa kabila nito, inihayag ni Roque na nakatakda umano siyang maghain ng motion for reconsideration kaugnay sa pagkansela ng Korte sa kaniyang pasaporte.

“Hindi pa po pinal ‘yan. Kaya nga po ako’y nagtataka kung bakit lahat sila’y nagsasabi na kanselado na ang passport ko. Mayroon pa po akong kinse (15) araw para mag-file ng motion for reconsideration at magpa-file po ako…” ayon sa video statement ni Roque sa kaniyang Facebook post noon ding Lunes, Nobyembre 24, 2025.

MAKI-BALITA: Roque, maghahain ng 'motion for reconsideration' sa pagkansela ng kaniyang pasaporte

Dagdag pa rito, iginiit ni din ni Roque na panggigipit umano sa kaniya ang dahilan sa pagkansela ng Korte sa kaniyang pasaporte.

“‘Yan po ay panggigipit sa akin dahil wala pong ebidensya na ako ay nag-recruit ng kahit sino para pagsamantalahan ang kanilang trabaho Wala rin pong ipinakitang ebidensya na ako po’y nakikipagsabwatan sa ganiyang pag-recruitment,” depensiya niya.

MAKI-BALITA: Harry Roque sa pagkansela ng Korte sa kaniyang pasaporte: 'Iyan ay panggigipit sa akin'

Mc Vincent Mirabuna/Balita

'Dedma kung dating hepe!' DILG, tiwalang kayang arestuhin ng PNP si Sen. Bato

Kumpiyansa ang Department of Interior and Local Government (DILG) na magiging propesyonal ang Philippine National Police (PNP) kay Sen. Ronald “Bato” dela Rosa, kung sakaling lumabas na ang arrest warrant niya mula sa International Criminal Court (ICC).Sa panayam ng media kay DILG Assistant Secretary Donnie Puno nitong Biyernes, Disyembre 12, 2025, iginiit niyang naniniwala silang tatalima ang...

PBBM sa sektor ng edukasyon: 'Na-neglect natin nang napakatagal!'

Inamin ni Pangulong Ferdinand “Bongbong” Marcos Jr. na tila napabayaan nang napakatagal ang sektor ng edukasyon sa bansa.Sa isinagawang BBM Podcast kamakailan ng Pangulo kasama ang tatlong mag-aaral mula sa iba’t ibang unibersidad sa Pilipinas, iginiit niyang hindi naman napapabayaan ang State Universities and Colleges (SUCs) sapagkat mayroong budget para dito, ngunit talagang ang pundasyon...

ChatGPT, pinakakasuhan dahil umano sa pag-usbong ng kaso ng ‘murder, suicide attempt'

Sinampahan ng mga kaanak ng isang yumaong 83 taong gulang na babae ang ChatGPT at business partner intong Microsoft bunsod umano ng kinalaman nito sa pagkamatay ng naturang biktima.Ayon sa ulat ng AP News nitong Biyernes, Disyembre 12, 2025, sinampahan ng pamilya ng 83-anyos na babae ng kaso ang ChatGPT at Microsoft, matapos umano itong maging daan upang lumalala ang 'paranoid' delusion...