DILG, iginiit karapatan sa mapayapang protesta pero may limit kung magbubunsod ng sedisyon-Balita

DILG, iginiit karapatan sa mapayapang protesta pero may limit kung magbubunsod ng sedisyon

Kinikilala ng Department of the Interior and Local Government (DILG) ang karapatan ng publiko na magdaos ng mapayapang kilos-protesta, ngunit kasabay nito ang pagpapatupad nila ng mga batas na pipigil sa posibilidad ng sedisyon.

Kaugnay ito sa ilang mga protestang isinagawa upang isigaw ang panawagan ng publiko, at ang mga hinaharap na isyu ng administrasyon sa kasalukuyan.

Sa ibinahaging Facebook post ng DILG nitong Miyerkules, Nobyembre 19, pinagtitibay nila ang karapatan ng mamamayan na mag-organisa ng mga mapayapang protesta, upang ilahad ang kanilang mga hinaing at naisin.

“The Department reaffirms that the right of citizens to organize, to assemble peacefully, and to express their views is protected under Article III Section 4 of the 1987 Constitution. These rights form part of the democratic space that the Department is duty bound to safeguard,” anang DILG.

Sa kabila nito, nilinaw din nila na nararapat lamang na magpatupad ng mga batas ang kanilang ahensya upang bumuo ng mga limitasyon hinggil sa mga ekspresyong ito, lalo na kung nagbubunsod na ng sedisyon.

“At the same time, the Department must enforce the laws that define the limits of protected expression. Articles 139 to 142 of the Revised Penal Code clearly outline what constitutes sedition and inciting to sedition,” anang ahensya.

“These provisions apply only when acts or statements seek to stir unlawful resistance against lawful authorities or to prevent the government from performing its functions. This legal standard is well-established and has guided national security assessments across administrations,” saad pa nito.

Nanindigan ang DILG na tinitiyak nilang nakapagsasalita nang malaya ang publiko, basta’t ang mga ito ay naaayon sa batas, sapagkat ito ay isang tanda ng demokrasya.

“The Department remains committed to protecting both democratic rights and public order. Ensuring that citizens can speak and gather freely, while upholding the laws that guard against unlawful destabilization, is essential to a functioning democracy,” pagtatapos nila.

Photo courtesy: DILG/FB

Matatandaang nagpahayag ang DILG kamakailan hinggil sa mga isinagawang kilos-protesta ng iba’t ibang grupo sa iba’t ibang panig ng bansa.

KAUGNAY NA BALITA: DILG sa mga magulang: Huwag pasamahin mga anak sa mga ‘Geng-Geng,’ ‘gangsta’ na lalahok sa INC protest-Balita

KAUGNAY NA BALITA: ‘Inciting to sedition?’ DILG Sec. Remulla, paiimbestigahan panawagang ‘Marcos Resign’-Balita

Vincent Gutierrez/BALITA

₱48.9M halaga ng marijuana sa Ilocos Sur, winasak ng PDEA

Kinumpiska at winasak ng mga awtoridad ang ₱48.9 milyong halaga ng marijuana sa Sugpon, Ilocos Sur at Kibungan Benguet. Ayon sa ulat ng Philippine News Agency, kinumpirma ni Philippine Drug Enforcement Agency (PDEA) Regional Office I information officer Mariepe de Guzman ang mga isinagawang operasyon mula Enero 27 hanggang Enero 30 ng Ilocos Sur Police Provincial Office at local police...

Isang manpower agency, ipinasara ng DMW; 3, arestado

Inaresto ng mga awtoridad ang tatlong empleyado ng isang manpower agency at ipinadlak ang tanggapan nito sa Quezon City bunsod ng umano’y pagkakasangkot sa illegal recruitment activities.Nabatid na ang tatlong empleyado ng RCREIGN International Manpower Agency ay dinakip sa isang joint entrapment operation ng Criminal Investigation and Detection Group–Anti-Transnational Crime Unit (CIDG-ATCU)...

'Tama din po sila:' Vlogger na may-ari ng pinatigil na care facility, tanggap ang desisyon ng DSWD

Tinanggap ng vlogger na si Benjie Perillo, o mas kilala bilang si “BenchTV,” ang ikinasang operasyon ng Department of Social Welfare and Development (DSWD)—kung saan pinatigil ang operasyon ng kaniyang “care facility” sa San Pedro, Laguna.Sa isang social media post na ibinahagi ni BenchTV nitong Biyernes, Enero 30, mababasang sinabi niya na tama naman daw na dapat ay sumunod ang bawat...