PBBM, kaya raw tapusin termino sa gitna ng mga isyu, alegasyon

PBBM, kaya raw tapusin termino sa gitna ng mga isyu, alegasyon—analyst

Nanindigan ang political analyst at Presidente ng Stratbase ADR Institute na si Dindo Manhit na kayang tapusin ni Pangulong Ferdinand “Bongbong” Marcos Jr. ang kaniyang termino, sa kabila ng mga isyung kinahaharap ng kaniyang administrasyon.

Kabilang sa kinahaharap ng administrasyon ay ang pagbunyag ni dating Ako Bicol Partylist Rep. Zaldy Co sa umano’y kaugnayan ng Pangulo sa budget insertions, kasama si dating House Speaker (HS) Martin Romualdez na umabot sa ₱100 bilyon, at ang alegasyon ng kaniyang kapatid na si Sen. Imee Marcos hinggil sa diumano’y paggamit niya ng ilegal na droga.

KAUGNAY NA BALITA: Zaldy Co, wala raw natanggap sa umano'y ₱100B insertions nina PBBM, ex-HS Romualdez-Balita

KAUGNAY NA BALITA: Sen. Imee Marcos, nilantad sa INC rally na ‘gumagamit’ diumano ng droga si PBBM-Balita

Sa panayam ng DZMM Teleradyo kay Manhit nitong Martes, Nobyembre 18, inilahad niyang maraming ‘legitimate institution’ din ang naniniwalang ‘legitimate authority’ si PBBM.

“Ang Pangulo sa tingin ko can survive this, because there are legitimate institutions of Philippine Society who believe that the President [is] being a legitimate authority, would like him to finish his term,” ani Manhit.

“I’m referring to those that can really bring down a President [such as the] business private sectors, the Catholic Church, which is a lot, a lot bigger than the Iglesia ni Cristo (INC), [and] the military,” pagpapatuloy niya.

Aniya pa, ang hinihingi ng mga institusyong ito ay nakasaad naman sa Konstitusyon ng Pilipinas.

“Lahat ‘yan, hinihingi [nila na] Constitution ang sundin. So, sa Constitution, ang nais nila is magtapos ang Pangulo [sa termino nito],” saad pa niya.

“So sa akin lang, ‘yon ang dapat nating bantayan. Pero ang hinihingi nitong mga puwersang ito, humihingi lamang sila ng pananagutan at hustisya tungkol sa mga batikos o balita na may malaking nakawan sa flood control—I’m referring to the Church, business sector, legitimate civil society, and even the military.”

Matatandaang kamakailan, nagbabala si Department of the Interior and Local Government (DILG) Secretary Jonvic Remulla na paiimbestigahan niya ang panawagan ng ilang raliyista hinggil sa nainis ng mga ito na pababain si PBBM sa puwesto.

“That’s close to inciting to sedition, so i-investigate namin sila. [Ang] mga ganitong salita has no place in a civil society,” saad ni Remulla.

KAUGNAY NA BALITA: ‘Inciting to sedition?’ DILG Sec. Remulla, paiimbestigahan panawagang ‘Marcos Resign’-Balita

Vincent Gutierrez/BALITA

Bato, masayang nakita ang apo

Masaya si Senador Ronald “Bato” Dela Rosa na makita ang minamahal niyang apo. Sa latest Facebook post ni Dela Rosa nitong Biyernes, Disyembre 12, flinex niya ang kaniyang larawan habang karga ang sanggol.“Happy to see you my apo” saad sa caption.Ito ay sa kabila ng umuugong na balitang may naghihintay na arrest warrant laban sa kaniya mula sa International Criminal Court (ICC) dahil sa...

DSWD Sec. Gatchalian, may alok na ₱100K pabuya sa makakapagturo ng salarin sa asong pinutulan ng dila

Nag-anunsyo ng ₱100,000 pabuya ang dating alkalde at kongresista ng Valenzuela City na si Department of Social Welfare and Development (DSWD) Sec. Rex Gatchalian para sa sinumang makapagbibigay ng impormasyon hinggil sa malupit na pag-abuso sa asong si Kobe sa Brgy. Balangkas, Valenzuela City.Ayon sa Philippine Animal Welfare Society (PAWS), personal silang lumapit upang humingi ng tulong...

Para tumaas populasyon: China, lalagyan ng VAT mga condoms, contraceptive pills

Nakatakdang simulan ng China ang pangongolekta ng value-added tax (VAT) sa contraceptive drugs at products sa unang pagkakataon matapos ang mahigit tatlong dekada.Bahagi ito ng hakbang ng pamahalaan na hikayatin ang mga pamilya na magkaroon ng mas maraming anak matapos ang mahabang panahon ng mahigpit na population control.Batay sa bagong batas ng naturang bansa sa value-added tax, ang mga...