Nagpahayag ng banat si Senator Ronald “Bato” dela Rosa sa social media laban sa mga grupong umano’y tahimik hinggil sa kontrobersiyang ibinunyag ni dating Ako Bicol party-list Rep. Zaldy Co, sa pamamagitan ng kaniyang video statements.
Sa isang Facebook post, sinabi ni Dela Rosa na kapansin-pansing walang reaksyon tungkol dito mula sa mga tinawag niyang “Pinklawans” at “komunista” matapos ang alegasyon ni Co.
"Tahimik ang Pinklawans & Komunista sa expose ni Zaldy Co. Strategize muna sila how to appear righteous & anti-corruption kuno at the same time prevent the downfall of this gov’t from w/c they benifited a lot," pahayag ni Dela Rosa.
Photo courtesy: Screenshot from Ronald Bato Dela Rosa/FB
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Hindi naman idinetalye ng senador kung anong mga benepisyong tinutukoy niya mula sa kasalukuyang administrasyon, ngunit umani ng halo-halong reaksyon ang kaniyang pahayag.
Matatandaang isiniwalat ni Co ang tungkol sa umano'y ₱100 billion insertion sa national budget ni Pangulong Ferdinand "Bongbong" Marcos, Jr. gayundin ni Leyte 1st District Rep. at dating House Speaker Martin Romualdez.
