Sen. Imee Marcos sa 'di pagdalo ni Co sa SBRC: 'Hindi na nila makontrol'-Balita

Sen. Imee Marcos sa 'di pagdalo ni Co sa SBRC: 'Hindi na nila makontrol'

Naglabas ng pahayag si Sen. Imee Marcos kaugnay sa hindi na umano pagdalo ni dating Ako Bicol Partylist Rep. Zaldy Co sa pagdinig ng Senate Blue Ribbon Committee sa pamamagitan ng Zoom.

Ayon kay Sen. Marcos sa kaniyang Facebook post nitong Biyernes, Nobyembre 14, sinabi niyang hindi na raw makontrol si Co.

“Kaya hindi itinuloy ang Zoom ni Zaldy Co dahil hindi na nila makokontrol,” mababasa sa naturang post ng senador.

Photo courtesy: Senator Imee Marcos (FB)

Bago nito, matatandaang tahasang nagsalita si Co na nag-utos diumano si Pangulong Bongbong Marcos, Jr. na mag-insert ng ₱100 bilyon sa 2025 national budget.MAKI-BALITA: Zaldy Co, nanlaglag na? PBBM, nag-utos umano na mag-insert ng ₱100B sa 2025 budget

Sa isang video na inilabas ni Co sa kaniyang social media account, tahasan niyang sinabi ang tungkol sa planong insertion.

"Nagsimula ito no'ng tumawag si [DBM] Sec. Amenah Pangandaman sa akin no'ng nag-umpisa ang BiCam process last year 2024. Ang sabi niya katatapos lang ng meeting nila ni Pangulo at may instructions na mag-insert o magpasok ng ₱100-billion worth of projects sa BiCam," saad ni Co."Sinabi pa ni Sec. Amenah, you can confirm with Usec. Adrian Bersamin dahil magkasama sila ni Pangulong BBM noong araw na 'yon. Tinawagan ko po agad si Usec. Adrian Bersamin at tinanong ko kung may instruction nga ba ang pangulo na magpasok ng ₱100 billion during their meeting. Ang sabi niya ay totoo nga po," dagdag pa ng dating kongresista.

Bukod dito, isiniwalat din ni Co na si Romualdez umano ang nag-utos sa kaniya na manatili sa ibang bansa at huwag bumalik ng Pilipinas.

Samantala, as of this posting, wala pang pahayag sina PBBM at Romualdez sa isiniwalat ni Co.

MAKI-BALITA: Zaldy Co, kinantang si Ex-HS Martin Romualdez nag-utos na 'wag siyang umuwi

MAKI-BALITA: Giit ni VP Sara: PBBM kasama sa anomalya, dapat makulong

Mc Vincent Mirabuna/Balita

Anti-political dynasty bill, mas magandang hindi dapat madaliin—Palasyo

Nilinaw ng Palasyo na mas maganda raw na hindi madaliin ang pagsasagawa ng batas na anti-political dynasty bill para mas mapag-aralan ito nang mas mabuti.Matapos ito sa naging reaksyon ng publiko sa pagpapasa nina House Speaker Faustino Dy III at IHouse Majority Leader Sandro Marcos ng House Bill 6771 sa Kamara na magsusulong anti-political dynasty bill sa bansa.MAKI-BALITA: HS Bojie Dy, Sandro...

VP Sara kinasuhan ng plunder, atbp. sa Ombudsman

Sinampahan ng plunder at iba pang kasong kriminal si Vice President Sara Duterte sa Office of the Ombudsman (OMB) kasama ang 14 pang opisyal.Ito ay dahil sa umano’y maling paggamit ng ₱612.5 milyong confidential funds ng kaniyang opisina at sa panahon ng paninilbihan ng Bise Presidente bilang kalihim sa Department of Education (DepEd).Ayon sa ulat nitong Biyernes, Disyembre 12, bukod sa...

Palasyo, iminungkahing hintayin sagot ni VP Sara kaugnay sa alegasyon ng lumitaw na 'bag man'

Nagbigay ng komento ang Palasyo kaugnay sa mga alegasyong binato ng nagpakilalang “bag man” kay Vice President Sara Duterte tungkol sa pagsuporta umano ng mga POGO operators at drug lord dito sa pangangampanya niya noong 2022 national election. Ayon sa isinagawang press briefing ni Palace Press Officer at Presidential Communication Office Usec. Claire Castro nitong Biyernes, Disyembre 12,...