''Pag gusto may paraan!' Lacson, iimbitahan si Zaldy Co sa susunod na pagdinig via Zoom-Balita

''Pag gusto may paraan!' Lacson, iimbitahan si Zaldy Co sa susunod na pagdinig via Zoom

Balak umanong imbithan ni Senate President Pro Tempore Ping Lacson si dating Ako Bicol Partylist Rep. Zaldy Co sa pamamagitan ng Zoom meeting sa susunod na pagdinig ng Senate Blue Ribbon Committee.

Ayon sa naging pahayag ni Lacson sa ambush interview nitong Martes, Nobyembre 11, sinabi niya nagpadala na umano sila ng imbitasyon kay Co para dumalo sa nasabing pagdinig sa pamamagitan ng Zoom call.

“Si Zaldy Co, we're extending our invitation kung pwede siyang mag-participate via Zoom,” pagsisimula ng senador.

Pagpapatuloy pa ni Lacson, hindi na raw magiging rason na nasa ibang bansa si Co kaya hindi siya makakadalo sa ikakasa nilang pagdinig.

“As we all know, most probably he's abroad. So, hindi magiging valid ‘yong kaniyang testimony unless nandoon siya sa premises ng embassy, Philippine Embassy, doon sa lugar ng kinaroonan niya,” saad niya.

Kung hindi pa rin daw maaari, puwede naman daw maglabas ng testimonya si Co sa Philippine Embassy na kinaroonan niya.

“If not, puwede naman siya mag-testify and then puwedeng after the testimony, puwedeng ipa-affirm ‘yong nilalaman ng kaniyang salaysay, ‘yong kaniyang testimony sa isang consul, kung saan siya man naroon,” giit pa ni Lacson.

Ani Lacson, magiging posible raw ang plano nilang ito dahil nagawa na umano nila ito noon sa Pharmally hearings.

“Pagka merong feedback, so paparating namin na actually doon sa letter of invitation, indicate namin ‘yon. Kung hindi siya pwedeng physically maka-attend, papayagan namin via Zoom because we already did this in the past, doon sa Pharmally hearings,” pagtatapos pa niya.

Samantala, nilinaw rin ni Lacson na iimbitahan nila sa nakatakdang pagdinig ng Senate Blue Ribbon Committee sa darating na Nobyembre 14, 2025, sina dating House Speaker Martin Romualdez, Cong. Eric Yap, at iba pang nabanggit umano ng mag-asawang Sarah at Curlee Discaya.

MAKI-BALITA: Sen. Ping sa susunod na pagdinig ng Blue Ribbon Committee: 'May lalabas na bago, malaking pangalan'

MAKI-BALITA: Zaldy Co, takot daw bumalik ng bansa dahil sa mga natanggap na pagbabanta

Mc Vincent Mirabuna/Balita

Sey ng NBI: 'Fugitive Senator Dela Rosa will be arrested whether he likes it or not'

Inihayag ng National Bureau of Investigation (NBI) na aarestuhin nila si Senador Ronald 'Bato' Dela Rosa, kasunod ng go signal mula sa Department of Justice (DOJ) tungkol sa arrest warrant ng International Criminal Court (ICC) laban sa senador, Huwebes, Mayo 21. Matatandaang kinumpirma ni DOJ Spokesperson Atty. Polo Martinez na may hiling na ang ahensya para sa Red Notice sa Interpol...

'Sino ba 'to?' Sen. Robin, may makahulugang post tungkol sa 'Tarat'

Isang makahulugang post ang ibinahagi ni Senador Robin Padilla na tungkol sa isang ibon na 'Tarat.' 'May Isang Tarat na dati ay nahawla, Ayaw na pakawalan ng umangkin sa kanya pero dahil may mga nakiusap para mapalaya ang tarat na ito,muli siyang nakabalik sa kanyang pugad,' saad ni Padilla sa kaniyang Facebook post nitong Huwebes, Mayo 21. 'Kakaiba ang tarat na ito...

'We will comply!' SILG Remulla, kikilos na sa pag-aresto kay Sen. Bato

Iginiit ni Department of the Interior and Local Government (DILG) Sec. Jonvic Remulla na handang sumunod ang kanilang ahensya sa pagpapatupad ng warrant of arrest na inilabas ng International Criminal Court (ICC) laban kay Sen. Ronald “Bato” dela Rosa. “The DILG will adhere to its mandate. If the lawful authorities have given validity to the warrant then we will comply and enforce,” ayon...