'Kahit may memo dahil sa bagyo, umalis pa rin!' Pakay ng ilang opisyal sa paglipad abroad, bubusisiin-Balita

'Kahit may memo dahil sa bagyo, umalis pa rin!' Pakay ng ilang opisyal sa paglipad abroad, bubusisiin

Nagpahayag ang Malacañang na kailangan muna nilang aralin ang isyu ng mga lokal na opisyal na umalis ng bansa kahit pa nagbaba na umano ang Department of the Interior and Local Government (DILG) ng isang memorandum hinggil dito.

Sa inilabas na Memorandum Circular (MC) No. 2025 - 110 ng ahensya kamakailan, ipinag-utos ang suspensyon ng mga “official and unofficial foreign travel” ng mga appointed at inihalal na lokal na opisyal ng gobyerno na sasapit sa petsang Nobyembre 9 hanggang 15.

Ito ay upang masiguro ang patuloy na pamamahagi ng tulong sa mga nasalanta ng Bagyong Tino, at ang paghahanda naman sa pagdating ng super bagyong Uwan.

Photo courtesy: Department of the Interior and Local Government

Sa ginanap na press briefing ng Presidential Communications Office (PCO) nitong Lunes, Nobyembre 10, nilinaw ni Palace Press Officer Usec. Atty. Claire Castro na hindi rin agad sasabihin ng Palasyo na may sala na ang mga naturang opisyal.

“Unang-una po ay kailangan muna itong ma-assess, ano ba talaga ang kanilang pakay papunta sa ibang bansa, at kung ito po ba talaga ay nakaapekto sa mabilisang pag-aksyon para sa mga kababayan natin na nakaranas ng hagupit ng bagyo,” ani Usec. Castro.

“Hindi po natin agad-agad itong masasabi na sila ay may sala na, kailangan po pag-aralan muna,” aniya pa.

“Kaya nga po, titingnan po muna natin at ito naman po ay nasa pamumuno ni Secretary Jonvic Remulla. Tingnan po natin at kung paano sila mag-eexplain na despite that na may memorandum, sila po ay umalis ng bansa,” saad pa ng press officer.

Samantala, usap-usapan naman ngayon ang Isabela Province Governor na si Rodolfo Albano III matapos umugong ang usaping siya ay lumipad patungong Germany bago pa man manalasa sa kanilang lalawigan ang super bagyong Uwan.

KAUGNAY NA BALITA: Isabela governor, lumipad sa Germany bago pananalasa bagyong Uwan?-Balita

Matatandaang kamakailan lang din, naghimutok ang netizens hinggil sa lumabas na isang litrato na nagpapakita ng “travel authority” ng ilang mayors mula sa Cebu, bago manalasa sa Kabisayaan ang bagyong Tino.

KAUGNAY NA BALITA: ‘Travel authority' ng ilang Cebu Mayors bago ang pananalasa ng bagyong Tino, pinutakti ng netizens

Vincent Gutierrez/BALITA

DPWH sa Senado: 'Restore the deducted amounts from the projects in the 2026'

Umapela ang Department of Public Works and Highways (DPWH) sa Senado para ibalik ang halagang kinaltas mula sa mga proyekto sa 2026 proposed budget ng ahensya bilang resulta sa tinapyas na Construction Materials Price Data (CMPD).Sa latest Facebook post ng DPWH nitong Sabado, Disyembre 13, hiniling nila na payagang ipatupad ang mga pagbabago sa paggasta ng proyekto gamit ang na-update na CMPD...

'Di kami namimilit!' Mga Duterte, nananatili hangga't gusto ng tao—FPRRD

Ibinahagi ni Vice President Sara Duterte ang mensahe umano ni dating Pangulong Rodrigo Duterte para sa kanilang mga tagasuporta.Sa isang video na ibinahagi ng Facebook page na kilalang tagasuporta ng pamilya Duterte sa The Hague, Netherlands na Alvin and Tourism nitong Sabado, Disyembre 13, 2025, iginiit ni VP Sara na hindi raw namimilit ang kanilang pamilya na suportahan pa rin ng...

Dizon, pinabulaanang babalik sa DOTr

Itinanggi ni Department of Public Works and Highways (DPWH) Sec. Vince Dizon ang umuugong na usap-usapang babalik umano siya sa Department of Transportation (DOTr).Sa latest episode ng “KC After Hours” nitong Sabado, Disyembre 13, sinabi ni Dizon na hindi raw totoo ang kumakalat na balitang magbibitiw siya bilang kalihim ng DPWH para bumalik sa dating ahensyang pinagasiwaan niya sa ilalim ng...