Functionally illiterate na mga Pinoy, nasa 24.8M na!

Functionally illiterate na mga Pinoy, nasa 24.8M na!–EDCOM 2

Lumobo na sa 24.8 milyon ang bilang ng “functional illiteracy” sa bansa, ayon sa tala ng Second Congressional Commission on Education (EDCOM 2).

Ayon sa EDCOM 2, ang “functionally illiterate” ay tumutukoy sa mga taong marunong magbasa at magsulat ngunit hindi nakakaintindi.

Ang bilang na ito ay dumoble mula 14.5 milyon noong 1993 hanggang 24.8 milyon sa taong 2024.

“EDCOM 2 raised the issue as it expressed concern that one of the reasons was the involvement of the Department of Education in at least 261 interagency bodies, which has diverted DepEd from its principal mandate of providing basic education,” saad ng komisyon sa kanilang Facebook post nitong Lunes, Nobyembre 3.

Binanggit din ni Department of Education (DepEd) Sec. Sonny Angara na nakaapekto rin ang pagdami ng “non-teaching work” ng mga guro sa mga paaralan, kung kaya’t nahahati ang kanilang atensyon sa pagtuturo.

Ibinahagi niya na plano ng ahensya na kumuha ng karagdagang administrative personnel para matulungan ang mga guro sa kanilang “non-teaching work.”

Bukod pa sa tala ng mga “functionally illiterate” sa bansa, nasa higit 6 na milyon naman ang “basically illiterate” o hindi marunong magbasa, magsulat, o umintindi.

Sa kaugnay na ulat, ayon sa kamakailang pag-aaral ng EDCOM 2 na pinamagatang, “Investigating the State of Graduate Education in the Philippines: Challenges, Opportunities, and Policy Implications,” lumabas na sa mga kasalukuyang programa ng gobyerno, partikular sa DepEd, nagkakaroon “diploma-for-promotion” cycle.

Ito ay posible raw na nagtutulak sa mga guro at manggagawa na magkaroon ng career advancement kaysa academic excellence o professional growth.

Kaya bilang solusyon, nanawagan ang EDCOM 2 sa Commission on Higher Education (CHED) para mas istriktong quality control sa mga graduate program ng teacher education at public administration para maiwasan ang “diploma-mills system” o paggamit ng diploma para lamang sa promotion.

Sean Antonio/BALITA

DILG sa Bagong Taon: 'Salubungin nang may malasakit, disiplina'

Nagpaabot ng isang paalala ang Department of the Interior and Local Government (DILG) kaugnay sa nalalapit na pagsalubong sa 2026.Sa ibinahaging social media post ng DILG Philippines nitong Martes, Disyembre 30, sinabi ng ahensya na unahin ng lahat ang kaligtasan ng kani-kanilang pamilya, maging ang buong komunidad.“Sa pagdiriwang ng Bagong Taon, mahalagang unahin natin ang kaligtasan ng ating...

58% kaso ng mga naputukan, mga menor de edad!

Binubuo ng mga menor de edad ang 58% ng mga kaso ng nabiktima ng paputok, ayon sa tala ng Department of Health (DOH) simula Disyembre 21 hanggang 4:00 AM ng Disyembre 30. Sa kabuuang 140 kaso, nasa 5 hanggang 14 ang edad ng mga batang nabiktima ng firework-related injuries. Bagama’t 23% itong mas mababa kaysa noong 2024, ipinapaalala ng DOH na iwasan na ang pagpapaputok, at para sa mga...

VP Sara sa tunay na aral ni Rizal: ‘Paglaya sa pang-aabuso, pagkawatak-watak, kasamaan’

Inihayag ni Vice President Sara Duterte ang aniya’y tunay na aral ng bayaning si Dr. Jose Rizal, kasunod ang ika-129 na anibersaryo ng pagkabayani’t pagpanaw nito.“Sa araw na ito, ginugunita natin ang buhay at diwa ng ating Pambansang Bayani na si Dr. Jose Rizal,” saad ni VP Sara sa kaniyang pahayag nitong Martes, Disyembre 30.Dagdag pa niya, “Sa pamamagitan ng kanyang mga akda,...