'Maiiwasto na pagkakamali ng nakaraang admin!' Sen. Risa, overjoyed na naisabatas na ang na Anti-POGO Act-Balita

'Maiiwasto na pagkakamali ng nakaraang admin!' Sen. Risa, overjoyed na naisabatas na ang na Anti-POGO Act

Masayang ibinahagi sa publiko si Sen. Risa Hontiveros ang pagkakapasa ng Republic Act No. 12312 o “Anti-POGO Act of 2025” na siyang magbabawal ng mga operasyon ng Philippine Offshore Gaming Operator (POGO) sa bansa.

Ayon sa naging pahayag ni Hontiveros sa kaniyang Facebook post nitong Miyerkules, Oktubre 29, maiwawasto na raw ang pagkakamali ng administrasyon ng dating administrasyon sa pagpapapasok ng POGO industry sa bansa.

“Sa wakas, maiwawasto na ang pagkakamali ng nakaraang administrasyon sa pagpapasok ng industriya ng POGO sa bansa,” saad ng senador.

Photo courtesy: Senador Risa Hontiveros (FB)

“As chairperson of the Senate Committee on Women, Children, Family Relations, and Gender Equality, I have long called for the abolition of POGOs in the country, having seen and exposed how this industry abused and exploited not just people, but also institutions,” paglilinaw pa niya.

Pinasalamatan din ni Hontiveros ang mga nakatulong nila upang imbestigahan noon ang POGO at si Sen. Win Gatchallian na isa mga pangunahing author ng nasabing batas.

“Taos-pusong pasasalamat sa mga ahensya ng pamahalaan at sa mga whistleblower na naging katuwang natin sa masusing pag-imbestiga sa mga POGO,” ‘ika ni Hontiveros.

“Lubos din akong nagpapasalamat sa aking kapwa POGO-buster, si Senator Win Gatchalian, sa pangunguna sa pagsulong ng panukalang ito,” dagdag pa niya.

Nagawa ring balikan ni Hontiveros ang kalunos-lunos na iligal na gawaing naganap sa panahon na buhay pa ang industriya ng POGO sa bansa.

“Mula sa mga menor de edad na pinipilit pumasok sa prostitusyon para pagserbisyuhan ang mga Chinese POGO workers, mga dayuhang babae tulad ni alias Ivy na tinraffick dito sa Pilipinas, hanggang sa mahiwagang kwento ng mga scam hubs ni Mayor Alice Guo, clearly, POGOs have harmed our country in more ways than we can imagine,” aniya.

“With this law, the government has a clear duty: to ensure that no POGO will ever turn the Philippines into their criminal playground again,” pagtatapos pa niya.

MAKI-BALITA: Sen. Risa, umaasang maisasabatas na Anti-POGO Act ngayong 2025

Mc Vincent Mirabuna/Balita

Truly blessed! VP Sara, thankful sa mga DDS na alam ang paninira at katotohanan

Nagpahayag ng pasasalamat si Vice President Sara Duterte para sa mga tagasuporta na patuloy pa rin ang paniniwala sa kaniya.Sa isang video na ibinahagi ng Facebook page na kilalang tagasuporta ng pamilya Duterte sa The Hague, Netherlands na Alvin and Tourism nitong Sabado, Disyembre 13, 2025, iginiit ni VP Sara na masyado raw siyang blessed dahil sa mga taga-suporta.“I thank you for your...

Empleyadong sapilitang pinapasayaw sa Christmas party, puwedeng magreklamo—DOLE

Puwedeng magreklamo ang isang empleyado kung siya ay sapilitang pinapasayaw sa Christmas party, ayon sa Department of Labor and Employment (DOLE).Sa isang pahayag noong Biyernes, Disyembre 12, sinabi ng DOLE na may karapatan ang mga manggagawa na magsampa ng reklamo sa ahensya kung sapilitan silang pinapasayaw o pinapasali sa anumang aktibidad na sa tingin nilang ipinagbabawal o hindi nararapat...

TNVS drivers, bibigyan pa rin ng pagkakataon magpaliwanag bago patawan ng penalty–LTFRB Chairman Mendoza

Nilinaw ni Land Transportation Franchising and Regulatory Board (LTFRB) Chairman Atty. Vigor D. Mendoza II na habang naglabas sila ng Memorandum Circular na magpapataw ng multa sa Transport Network Vehicle Service (TNVS) drivers na magca-cancel ng booking trips ng mga pasahero, bibigyan pa rin nila ng pagkakataon magpaliwanag ang mga ito bago sila magpataw ng penalty. “Kung justified naman po...