Rep. Cendaña sa ICI: 'Finally nakinig, pero paano ‘yong mga naunang hearing?'-Balita

Rep. Cendaña sa ICI: 'Finally nakinig, pero paano ‘yong mga naunang hearing?'

Kinuwestiyon ni Akbayan Partylist Rep. Perci Cendaña ang umano’y full transparency ng mga nakaraang pagdinig ng Independent Commission for Infrastructure (ICI), kaugnay sa imbestigasyong isinasagawa nito hinggil sa maanomalyang flood control projects sa bansa.

Ibinahagi ni Rep. Cendaña sa kaniyang Facebook post noong Miyerkules, Oktubre 22, ang komento niya patungkol sa naturang isyu. Aniya, sa wakas daw ay nakinig na ang ICI subalit kinuwestiyon niya kung paano na raw kaya ang mga naunang pagdinig ng komisyon.

“FINALLY nakinig ang ICI na dapat napapanood ng publiko ang hearings. Pero paano ‘yung mga naunang hearing? Dapat full transparency hindi pwedeng selective,” ani Rep. Cendaña.

“Dapat klaro din ang kahahantungan: may makulong, maisoli ang mga ninakaw, at maisabatas ang Open Bicam at Open Infra Bill!” dagdag pa nito.

Photo courtesy: Akbayan Rep. Perci Cendaña/FB

Matatandaang nagbahagi rin ng mga sentimyento sa parehong usapin sina Akbayan Partylist Rep. Atty. Chel Diokno at Mamamayang Liberal (ML) Partylist Rep. Atty. Leila de Lima.

“Alongside the public broadcast of upcoming hearings, the Commission must also disclose previous discussions and decisions to ensure full transparency of the investigation,” ani Rep. Diokno.

MAKI-BALITA: 'To ensure full transparency:' Rep. Diokno, gustong isapubliko rin mga nakaraang pagdinig ng ICI-Balita

“Sa pagsasapubliko ng ICI hearings, hindi na lang ICI ang nag-iimbestiga. Kasama na rin ang taumbayan sa susuri at titimbang, hindi lang sa kanilang mga iniimbestigahan kundi pati na rin sa kung paano ang takbo ng kanilang imbestigasyon,” ani Rep. De Lima.

MAKI-BALITA: De Lima, pabor sa balitang pagsasapubliko sa pagdinig ng ICI-Balita

Matatandaang inanunsiyo ni ICI chairperson Andres Reyes na nakatakdang i-livestream ang mga pagdinig sa komisyon sa susunod na linggo.

"We don't have the facility and we don't have the rules of procedures... In spite of no rules allowing us, we will now go on livestream next week once we will be able to have the technical capability with us already. Again, I repeat we will be doing livestream next week," ani Reyes.

MAKI-BALITA: ICI, ila-livestream na mga pagdinig ng flood control scandal sa susunod na linggo-Balita

Vincent Gutierrez/BALITA

'Wala kayong mabola no?' PBBM, FL Liza nangalampag sa 3 boys, bet nang magkaapo

Tila may panawagan sina Pangulong Ferdinand 'Bongbong' Marcos, Jr. at First Lady Liza Araneta-Marcos sa mga anak nilang sina Ilocos Norte 1st District Rep. Sandro, Joseph Simon, at William Vincent Marcos kung kailan ba sila magkakaapo mula sa kanila.Sa inilabas na 'BBM Vlog 275,' sinagot ng First Couple ang ilang mga tanong tungkol sa Kapaskuhan. Pero napatanong naman sila sa...

DFA, may panawagan sa media orgs: 'Ensure accuracy, balance, and context'

Nagbigay ng isang mensahe ang Department of Foreign Affairs (DFA) hinggil sa pagbabalita ng ilang media organizations kung saan nababanggit ang pangalan ng Pilipinas at ang mga koneksyon nito sa iba’t ibang isyu.Kaugnay ito sa napaulat na Bondi Beach Incident sa Sydney, Australia kamakailan, kung saan napag-alamang namalagi muna ang mga suspek sa Pilipinas bago mangyari ang naturang shootout,...

Trillanes, inungkat pagbasa ni Acop sa quad-com findings tungkol sa umano’y ‘sindikato ni Duterte’

Binalikan ni dating senador Sonny Trillans IV ang naging pagbasa ni Antipolo 2nd District Rep. Romeo Acop sa findings ng quad-com kaugnay sa sindikatong pinatakbo umano ni dating Pangulong Rodrigo Duterte.Sa latest Facebook post ni Trillanes nitong Martes, Disyembre 23, mapapanood ang video clip ng pagbasa ni Acop mula sa House of Representatives. “Cong. Acop's reading of the Quadcom...

Rep. Cendaña sa ICI: 'Finally nakinig, pero paano ‘yong mga naunang hearing?'

Rep. Cendaña sa ICI: 'Finally nakinig, pero paano ‘yong mga naunang hearing?'

Inirerekomendang balita

'Wala kayong mabola no?' PBBM, FL Liza nangalampag sa 3 boys, bet nang magkaapo

DFA, may panawagan sa media orgs: 'Ensure accuracy, balance, and context'

Trillanes, inungkat pagbasa ni Acop sa quad-com findings tungkol sa umano’y ‘sindikato ni Duterte’

Features

Opinyon