Nagbigay ng pahayag si Cavite 4th District Rep. Kiko Barzaga kaugnay sa binabalak umanong paghahain ng ethics complaint ng partidong Lakas-Christian Muslim Democrats laban sa kaniya.

Ayon sa ibinahaging post ni Barzaga sa kaniyang Facebook noong Biyernes, Oktubre 17, 2025, sinabi niyang malayang maghain ng complaint ang Lakas-CMD at “tatalunin” niya raw ang mga ito. 

“LAKAS-CMD is free to file whatever complaint they want, I will defeat them along with everyone else,” ‘ika ni Barzaga. 

Photo courtesy: Congressman Kiko Barzaga (FB)

Sen. Bato, masayang nakita ang apo

Kaugnay ito sa sinabi ni House Assistant Majority Leader at Lanao del Sur Rep. Zia Alonto Adiong noong ding Biyernes na nagbabalak umanong maghain ng nasabing complaint ang Lakas-CMD laban kay Barzaga. 

“The membership of [Lakas-CMD] is seriously contemplating on filing an ethics complaint kasi medyo ‘yong accusations na gano’n, ‘yong allegations na gano’n, it already abused his privilege of being a member of the House. Spreading these lies about the members, you know, tarnishing the reputation of those members, especially those members who are not even present in that meeting,” saad niya. 

“This spreading of lies, making bold accusations against members of the House of Representatives without even providing any shred of evidence, has really to stop. This kind of behavior, this childish behavior has really to stop… we've been tolerating him for quite some time,” pagdidiin pa ni Adiong. 

Ugat umano nito ang naging post ni Barzaga sa kaniyang Facebook account noong Oktubre 15, 2025, kung saan sinabi niyang poprotektahan umano ng mga kongresista si dating House Speaker Martin Romualdez “kapalit” ng proteksyon. 

Photo courtesy: Congressman Kiko Barzaga (FB) 

Nagawa ring balikan ni Adiong ang naging kontrobersyal na videong inupload noon ni Barzaga kung saan makikitang nilapitan at tinanong niya si Majority Leader Sandro Marcos. 

“Acceptable ba ‘yong bigla mo lang, mag-aapproach ka sa isang kasamahan mo na hindi ka naman niya iniistorbo tapos bigla mo siyang ivi-video, iha-harass mo siya, tatanungin mo siya, ipro-provoke mo siya ng certain response na tapos nakalive ka. That’s already, to me, that’s already harassment,” paliwanag ni Adiong. 

Samantala, wala pa namang inilalabas na bagong pahayag si Adiong at ang Lakas-CMD kaugnay sa naging buwelta ni Barzaga. 

Mc Vincent Mirabuna/Balita