'Kalma lang!' Palasyo, sinagot mga Pinoy na gigil nang may makulong sa korapsyon-Balita

'Kalma lang!' Palasyo, sinagot mga Pinoy na gigil nang may makulong sa korapsyon

Sinagot na ng Malacañang ang hinaing ng taumbayan hinggil sa mga umano’y may kinalaman sa malawakang korapsyon sa Pilipinas, partikular na ukol sa isyu ng anomalya at iregularidad ng ilang flood control projects sa bansa.

Ibinahagi ni Palace Press Officer Undersecretary Atty. Claire Castro, sa isinagawang press briefing ng Presidential Communications Office (PCO) nitong Martes, Oktubre 14, ang pahayag ng Palasyo ukol sa nasabing isyu.

“Kalma lang! Hindi po kasi ito nadadaan sa agad-agaran. Siguro bilang lawyer, na ako ay mismong humahawak ng mga kaso at ako po ay humaharap mismo sa Korte, kaya alam ko po kung paano ba magpresenta ng isang ebidensya,” ani Usec. Castro.

“Hindi po ito nadadaan sa pabilisan. At kung ito naman ay mapapabilis, napakaganda ng numero, maraming nasampa sa Korte, pero kalaunan, na-dismiss po lahat. Ano po ba ang mas hindi ninyo tatanggapin? Nakapagsampa ng maraming kaso pero na-dismiss po lahat, dahil hindi hinog at kulang ang ebidensya?” pagtatanong pa niya.

Inilahad din niyang hayaan na ng taumbayan ang Independent Commission for Infrastructure (ICI) sapagkat mayroon naman umano itong pangako hinggil sa pagsasampa ng kaso sa mga taong may kinalaman sa nasabing korapsyon.

“Hayaan po natin ang ICI na bumuo ng kanilang imbestigasyon at kumpletuhin ang dokumento. Ang pangako naman po nila, after a week, or rather week 4, ay makakapagsampa na sila ng mga kaso o makakapagrekomenda ng pagsampa ng kaso. Hayaan po lang natin silang makapag-ipon ng mga dokumento at ng mga ebidensya para po mas matibay ang mga kasong isasampa,” aniya.

“So, ‘yon lamang po sa taumbayan, huwag po kayong mainip, dahil sinimulan na po ito. Kung sabi nga natin, kung hindi ito sinimulan ng Pangulo, sino ang magsisimula? Kung hindi ang Pangulo ang nagsimula nitong pag-iimbestiga, sino pa kaya ang puwedeng mag-imbestiga?” dagdag pa niya.

Saad pa ni Usec. Castro, “Nasimulan na po ito, hintayin na lang po natin ang magandang magiging trabaho ng ICI, para po mas maganda din ang kalabasan at maging resulta nito.

”Matatandaang ilang personalidad na rin ang nagpahayag ng kanilang panawagan patungkol sa pagkakakulong ng mga taong nasa likod ng malawakang korapsyon sa flood control projects.

KAUGNAY NA BALITA: Nadine Lustre, Bianca Gonzalez, pinasaringan mga 'korap' na 'di pa rin nakukulong-Balita

Vincent Gutierrez/BALITA

PBBM, ibinida bagong Banago Port sa Bacolod City!

Ibinahagi sa publiko ni Pangulong Ferdinand “Bongbong” Marcos, Jr., ang bagong mukha ng Banago Port sa Bacolod City. Ayon sa mga larawang inupload ni PBBM sa kaniyang Facebook post noong Biyernes, Disyembre 12, makikita ang nasabing pantalan na iniulat niyang hindi na raw nakasabay sa dami ng tao at galaw ng ekonomiya taon-taon. “Sa loob ng maraming taon, hindi na nakasabay ang pantalang...

'Wag magpadala sa paninira!' VP Sara, hinikayat maging mapanuri mga Pilipino

Nanawagan si Vice President Sara Duterte sa mga Pilipino na maging mapanuri at huwag daw magpadala sa mga paninirang ibinabato laban sa kaniya. Ayon sa isinapublikong pahayag ni VP Sara sa kaniyang Facebook post nitong Sabado, Disyembre 13, binalikan niya ang umano’y naging paghahain ng impeachment laban sa kaniya. “Last year, the House Committee on Good Government and Public Accountability...

Sen. Bato, masayang nakita ang apo

Masaya si Senador Ronald “Bato” Dela Rosa na makita ang minamahal niyang apo. Sa latest Facebook post ni Dela Rosa nitong Biyernes, Disyembre 12, flinex niya ang kaniyang larawan habang karga ang sanggol.“Happy to see you my apo” saad sa caption.Ito ay sa kabila ng umuugong na balitang may naghihintay na arrest warrant laban sa kaniya mula sa International Criminal Court (ICC) dahil sa...