Nagbigay ng pananaw si Kapamilya actress Janella Salvador kaugnay sa ideya ng pakikipagkaibigan sa dating karelasyon.
Sa eksklusibong panayam ng PUSH ABS-CBN kamakailan, sinabi ni Janella na bagama’t hindi pa raw niya nasusubukang makipagkaibigan sa ex-jowa, mahirap umanong gawin ito.
“I've never experienced that personally. But I think it's possible for some, maybe. But mahirap siyang pasukin. Kasi syempre, prone ka to dig up many different emotions,” saad ni Janella.
Bibida ang aktres sa upcoming Cinemalaya film na “Open Endings” na nakasentro ang kuwento sa apat na karakter na dating magkakarelasyon na naging magkaibigan kalaunan.
‘Chie-buana Lhuillier?’ Chie inenjoy maneho ni Matthew, netizens nag-react
Kaya naman kahit hindi naranasan ang pakikipagkaibigan sa ex, nag-resonate pa rin umano sa kaniya si “Charlie,” ang karakter na ginampanan niya sa pelikula.
Aniya, “Honestly, habang nasa set ako nito, ang iniisip ko lang the whole time is, grabe, sobrang na-enjoy ko itong role na ‘to. As in, the whole time, I was just enjoying embodying and being Charlie.”
“Kung gaano siya ka-chaotic, kakalat, kakulit, ka-emotional. Na-enjoy ko kasi medyo wild ride maging si Charlie. It's been a while since I've taken a medyo gano'ng character,” dugtong pa ni Janella.
Matatandaang hiwalay na si Janella sa partner niyang si Markus Paterson noon pang 2022. Pero sa kasalukuyan, nagko-co parenting na lang sila para sa kanilang anak na si Jude.
MAKI-BALITA: Janella Salvador, ‘di iniisip makipagbalikan kay Markus Paterson
