Personal na binisita ni Philippine National Police (PNP) Chief Police Lieutenant General Jose Melencio C. Nartatez Jr., ang ilang mga opisyal ng kapulisan na sinugod sa hospital dulot ng mga naging kaguluhan sa kilos-protesta kontra sa korapsiyon.
Ayon sa mga larawang ibinahagi ng Office of the Chief PNP sa Facebook nitong Lunes, Setyembre 22, 2025, makikita si Nartatez na kinamayan at kinumusta ang mga nasabing opisyal na nagpapagaling sa hospital.
“This morning, Acting Chief PNP, PLTGEN Jose Melencio C. Nartatez Jr., paid a personal visit to PNP personnel hospitalized after being injured while keeping peace and order during yesterday’s anti-corruption rally,” saad sa caption ng nasabing page.
Dagdag pa nila, “[d]espite the unruly and violent actions of some participants, the officers remained calm and committed to their duty.”
Leviste, pinuna pagtaas sa ₱18.58B ng MOOE ng Kamara sa 2026 nat'l budget
Nagpaabot umano ng pasasalamat si Nartatez para sa ipinakitang katapangan at dedikasyon ng mga pulis.
“During his visit, PLTGEN Nartatez expressed his sincere gratitude and concern for their bravery and dedication,” anila.
Pinuri ni Nartatez ang mga pulis dahil sa pananatili nilang propesyunal sa kanilang trabaho sa kabila ng mahirap na sitwasyon.
Sinigurado umano ni Nartatez na mabibigyang-pagpapahalaga ang lakas ng loob at sakripisyo ng mga naturang pulis sa pamunuan ng PNP.
“He praised their professionalism under difficult circumstances and assured them that their courage and sacrifices are truly valued by the PNP leadership,” pagtatapos sa post.
Samantala, hindi naman natukoy ang lugar ng ospital at pagkakakilanlan ng mga nasabing pulis na binisita ni Nartatez sa naturang post.
Mc Vincent Mirabuna/Balita
