Nagbigay ng kani-kanilang sentimyento ang ilang mga eksperto ukol sa paniniwalang hindi puwede sa mga taong may uric acid at gout ang pagkain ng munggo, beans, at mani.
Ibinahagi ng doktor at blogger na si Doc Adam kaniyang Facebook post nitong Miyerkules, Setyembre 17, ang impormasyon ukol sa haka-hakang ito, na kanyang nilinaw at dinagdagan pa ng iba pang impormasyon.
“Bawal daw ang munggo, mani at beans kung may uric acid o gout? Lumang paniniwala na ‘yan. Yes, munggo and beans may contain purines, pero hindi sila significant na nagpapataas ng uric acid sa dugo,” ani Doc Adam.
“In fact, may studies na nagsasabing pwede pa silang makatulong bumaba ang uric acid levels,” dagdag pa niya.
Ibinunyag niya rin ang ilang tips kung paano raw makaiiwas sa gout attacks.
“Kung gusto mong iwasan ang gout attacks: Iwas sa atay at ibang laman loob, bawas beer at matatamis na inumin, uminom ng maraming tubig, kumain ng prutas, at mag-exercise regularly,” anang doktor.
ALAMIN: Gaano katagal bago mapanis mga hinandang pagkain noong holiday?
Mababasa rin sa isang artikulong inilabas ng Medical Doctor na si Brittany Poulson na maaari namang kumain ng mani at beans ang mga taong may gout at uric acid, ngunit dapat na ito ay “moderation.”
“People with uric acid and gout can eat beans and peanuts. Both beans and peanuts are considered good sources of protein and fiber, which can help reduce inflammation and support kidney health. They are also low in purines, making them a suitable choice for those managing gout. However, it is important to consume them in moderation and stay hydrated,” anang eksperto.
Ayon naman sa Cleveland Clinic, mahalaga na magkaroon ng “low-purine diet,” upang maiwasan ang komplikasyon sa katawan na dala ng gout at uric acid.
“A low-purine diet is designed to help manage hyperuricemia and its complications, such as gout. But the diet is also a reasonable lifestyle to adopt for general health. It reduces sugar, alcohol, and meat and emphasizes plants and alternative sources of protein. This has plenty of benefits outside of reducing uric acid, and it won’t deprive you of any important nutrition,” anila.
Vincent Gutierrez/BALITA
