Magsisimula nang makinabang ang mga manggagawa sa transport sector sa ₱20 kada kilong bigas simula Martes, Setyembre 16, 2025.
Ayon sa Department of Agriculture (DA), nasa 57,000 na pampublikong transport workers ang unang makikinabang sa programa, kabilang ang mga drayber ng bus, jeepney, tricycle at mga operator.
Sa ilalim ng programa, papayagang makabili ang mga kwalipikadong drayber at operator ng hanggang 10 kilo ng bigas bawat buwan sa subsidisadong presyo.
Ilulunsad ang unang distribusyon sa mga sumusunod na lugar:
MMDA, dinepensahan traffic enforcer na pinagbintangang nagtatago sa kalsada
Bureau of Animal Industry sa Quezon City – 17,633 benepisyaryo
Philippine Fisheries Development Authority sa Navotas City – 1,001 benepisyaryo
Barangay Pandan sa Angeles City, Pampanga – 9,961 benepisyaryo
Food Terminal Inc. sa Cebu City – 24,742 benepisyaryo
Tagum City – 3,650 benepisyaryo
Kabilang sa mga itinalagang distribution centers ang Philippine Fisheries Development Authority sa Navotas, Bureau of Animal Industry at Agricultural Development Center sa Quezon City, Agribusiness and Marketing Assistance Division sa Cebu, Food Terminal Inc. warehouse sa Angeles, at Agribusiness and Marketing Assistance office sa Tagum.
Noong nakaraang buwan, isinama ng DA ang mga mangingisda sa programa.
Unang inilunsad sa Visayas noong Abril, sinabi ng DA na mayroon nang hindi bababa sa 162 lokasyon sa buong bansa na nag-aalok ng murang subsidisadong bigas.
