Umapela ang abogado ni dating Pangulong Rodrigo Duterte na si Atty. Nicholas Kaufman kay Pangulong Ferdinand “Bongbong” Marcos na payagang makauwi sa Pilipinas ang kaniyang kliyente.

Nahaharap sa kasong crimes against humanity si Duterte dahil sa madugong giyera kontra droga sa ilalim ng kaniyang administrasyon.

Batay sa ipinadalang mensahe ni Kaufman sa GMA Integrated News, nakakaapekto umano ang lumalalang medical situation ng dating pangulo sa kakayahan nitong intindihan ang mga ebidensiya at magbigay ng tagubilin.

“The defense sincerely hopes that the current administration, which [saw] fit to outsource its obligation to afford the former president a fair trial in the country of his birth, will now let him return home, with dignity, for the purpose of interim release until the end of all legal proceedings,” saad pa sa mensahe.

Matatandaang inanunsiyo ng international tribunal noong Lunes, Setyembre 9, na maaantala ang nakatakdang confirmation of charges hearing ni Duterte sa Setyembre 23, 2025.

Sey ng NBI: 'Fugitive Senator Dela Rosa will be arrested whether he likes it or not'

Samantala, naghayag naman ng pagkadismaya ang mga biktima ng giyera kontra droga ni Duterte.

“Victims counsels in the Philippines will coordinate with the Office of the Public Counsel For Victims, who carries victims interest at present, to push for the resetting of the hearing soonest, and for any other available remedies,” saad ng Rise Up for Life and for Rights at National Union of Peoples’ Lawyers sa kanilang nagkakaisang pahayag.