Customs, nakumpiska na 12 luxury cars ng Pamilya Discaya-Balita

Customs, nakumpiska na 12 luxury cars ng Pamilya Discaya

Nakumpiska na ng Bureau of Customs (BOC) ang 12 luxury cars ng Pamilya Discaya nitong Martes ng gabi, Setyembre 2.

Kasunod ito ng isinagawang search operation ng ahensya sa St. Gerrard Construction General Contractor and Development Corp. sa Pasig City nitong Martes ng umaga.

Maki-Balita: BOC, pinasok construction firm ng mga Discaya para maghain ng search warrant vs luxury cars

Unang naiulat na dalawa lang sa 12 luxury cars na sakop ng search warrant ng BOC ang nakita sa loob ng bahay ng pamilya Discaya.

“May nakita kaming dalawang units right now. ‘Yong Land Cruiser at Maserati Levante ‘Yong iba, hindi namin nahanap. Wala po kaming makita rito," ani BOC Chief of Staff Atty. Jek Casipit sa isang panayam.

Ang 12 luxury cars na hinahanap nila ay wala raw record sa ahensya kung kaya ito ay iniimbestigahan.

Maki-Balita: Naglaho ibang luxury cars? BOC, 2 luxury cars lang ng mga Discaya ang nakita

Nauna na ring tiniyak ng BOC na mananagot ang sinumang tumulong sa pagtatago ng iba pang mamahaling sasakyan ng mga Discaya.

Gayunpaman, kinumpirma na ng ahensya na nakumpiska na nila ang 10 pang luxury cars.

Ayon kay Commissioner Ariel F. Nepomuceno, ang pito (7) sa mga luxury car ay isinuko umano sa kanila at kasalukuyan na itong nasa compound ng St. Gerrard Construction. Kabilang dito ang Rolls Royce Cullinan 2023, Bentley Bentayga, Mercedes Benz G-Class (Brabus G-Wagon), Mercedes AMG G 63 SUV 2022, Toyota Tundra 2022, Toyota Sequoia, at Cadillac Escalade ESV 2021.

Habang ang tatlo (3) pang luxury cars—Mercedes Benz G 500 SUV 2019, GMC Yukon Denali SUV 2022 (Gas), at Lincoln Navigator L 2024—ay kasalukuyang nasa talyer at nakatakdang isuko sa BOC.

Pormal na ring sinelyuhan ng Customs ang mga sasakyan at babantayan ito ng kanilang mga tauhan at ng Philippine Coast Guard (PCG).

"With all twelve (12) luxury vehicles now accounted for, the BOC continues to verify their importation records to determine compliance with customs laws. Should discrepancies be established, appropriate enforcement and legal actions will be undertaken pursuant to the Customs Modernization and Tariff Act (CMTA)," saad ng BOC sa isang pahayag.

3 mangingisdang Pinoy, sugatan sa water canon ng China sa Escoda Shoal

Tatlong mangingisdang Pilipino ang nasugatan matapos umanong paulanan ng water cannon at gipitin ng mga sasakyang pandagat ng China ang mga bangkang pangisda ng Pilipinas malapit sa Escoda o Sabina Shoal sa West Philippine Sea.Ayon kay PCG spokesperson Commodore Jay Tarriela, naganap ang insidente noong Biyernes, Disyembre 13, habang nasa humigit-kumulang 20 bangkang pangisda ng Pilipinas ang...

‘Hindi ako tutol!’ Sen. Imee aprub sa pagpapatayo ng classrooms, pero kinuwestiyon dagdag-pondo pa rito

Tila hindi sang-ayon si Sen. Imee Marcos sa paglaki pa umano ng budget para sa Basic Education Facilities ng Department of Education (DepEd) sa kabila umano ng 22 resulta lamang na mga silid-aralan ang naipatayo nitong 2025. Ayon sa naging bicameral conference committee meeting ng mga mambabatas mula sa Senado at House of the Representative nitong Sabado, Disyembre 13, pinuntirya niya sa gitna ng...

‘Be sensitive!’ DOH, nagpaalala na isaalang-alang damdamin ng iba ngayong holiday season

“Nako, ang taba mo na!” Ipinaalala ng Department of Health (DOH) sa mga Pinoy ang pagsasaalang-alang sa damdamin ng iba sa pagdalo sa mga reunion ngayong holiday season. Sa panayam ni DOH Sec. Ted Herbosa sa DZMM Teleradyo kasama si Dr. Rodney Boncajes na isang Medical Specialist IV sa National Center for Mental Health nitong Sabado, Disyembre 13, ibinahagi nila na may negatibong epekto sa...