Sec. Bonoan, pabor sa 'lifestyle check' kahit pangunahan umano ng DPWH-Balita

Sec. Bonoan, pabor sa 'lifestyle check' kahit pangunahan umano ng DPWH

Nagpahayag ng pagsang-ayon sa pagpapakita ng “lifestyle check” at Statement of Assets, Liabilities, and Net Worth (SALN) si Department of Public Works and Highways (DPWH) Secretary Manuel “Manny” Bonoan.

Sa naging panayam ni DPWH Sec. Bonoan sa True FM ngayong Biyernes, Agosto 29, inilahad niya na pabor siya sa pag-uutos ni Pangulong Ferdinand “Bongbong” Marcos Jr. na magkaroon ng lifestyle check ang matataas na ahensya at miyembro ng gobyerno.

Ayon pa kay Bonoan, sang-ayon umano siya maski ang DPWH na ahensya nila ang unang hahanapan ng SALN at lifestyle check kung ito ang ipag-uutos ng pangulo.

“Oo naman po. ‘Pagka required actually to show ‘yong mga SALN kasi pinaiimbestiga[han] ata ng ating presidente, why not po? Okay lang po,” saad ni Bonoan.

Aniya, ipagpapaubaya na lamang ni Bonoan sa itatalaga ng pangulo kung sinoman ang utusan nitong mag-imbestiga sa mga distrito at senior officials ng ahensya ng DPWH at handa umano silang ibigay ang mga kinakailangan dokumento na kakailanganin sa imbestigasyon.

“Kung sino po ‘yong ano, ‘yong sinasabi nga ng ating presidente na imbestigahan ‘yong lifestyle check [at] kung sino po ang mag-iimbestiga then we will make available all the necessary documents that they would need[...]” anang Bonoan.

Matatandaang ipinag-utos ni PBBM ang pagsusuri sa pamumuhay ng mga opisyal ng gobyerno sa gitna ng gumugulong na imbestigasyon kaugnay sa maanomalyang flood control projects.

KAUGNAY NA BALITA: Sa gitna ng imbestigasyon sa flood control: PBBM, pinag-utos lifestyle check sa mga opisyal

Sa isinagawang press briefing noong Agosto 27, ibinaba ni Palace Press Officer Atty. Claire Castro ang anunsiyong nagbaba ng ordinansang ito mula sa pangulo.

“Ipinag-utos ni Ferdinand Marcos, Jr. ang pagkakaroon ng lifestyle check sa lahat ng mga opisyal sa gitna ng imbestigasyon patungkol sa maanomalyang flood control projects,” ayon kay Castro.

Samantala, nabanggit ni Bonoan na tuloy-tuloy ngayon ang imbestigasyon ng DPWH sa mga maanomalyang flood-control projects.

Mc Vincent Mirabuna/Balita

Political scientist sa pagtatago umano ni Bato: 'Napakaduwag!'

Tila dismayado ang political scientist na si Cleve Arguelles sa kasalukuyang inaasta ni Sen. Ronald “Bato” Dela Rosa. Sa latest episode ng “Politika All The Way” ng One PH kamakailan, inusisa si Cleve tungkol sa pananw niya sa nasabing senador.“What do you think of him? Is he right in not presenting himself?” tanong ni Jojo Alejar.Sagot ni Cleve, “Napakaduwag! [...] I think, may...

'Nandito si Mama, naghihintay sa 'yo!' Nanay ng nawawalang bride-to-be, nanawagang maibalik nang maayos ang anak

Nanawagan sa publiko ang nanay ni Sherra De Juan, ang nawawalang bride-to-be sa Quezon City, na sana ay makabalik pa nang maayos ang anak na ikakasal na sana sa fiance niya kahapon ng Linggo, Disyembre 14.Sa panayam ng ABS-CBN News kay Tita De Juan, nanay ni Sherra, nag-iwan siya ng mensahe sa anak, na sana raw ay bumalik na sa kaniya dahil naghihintay ang mga nagmamahal sa kaniya.'Kung...

3 mangingisdang sugatan sa water canon ng China nasa maayos na kondisyon na!

Tatlong mangingisdang Pilipino na nasugatan matapos bombahin ng water cannon ng mga sasakyang pandagat ng China sa Escoda Shoal ay nasa “mas mabuting kalagayan na,” ayon sa National Maritime Council (NMC) nitong Lunes, Disyembre 15, 2025. Ayon sa Philippine Coast Guard (PCG), inatake ng mga barko ng Chinese Coast Guard (CCG) at Chinese maritime militia (CMM) ang mga bangkang Pilipino nitong...